Halyqaralyq balalar kúni merekesinde Jambyl oblysynyń ákimi Erbol Qarashókeevtiń qatysýymen «Zerbulaq» demalys kesheninde aýqymdy merekelik is-shara ótti, dep habarlaıdy Egemen.kz.
О́ńir basshysy jambyldyq búldirshinderdi aıtýly merekemen quttyqtap, jyly lebizin jetkizdi.
«Bala – bizdiń bolashaǵymyz, elimizdiń erteńi. Dúnıede baladan asyl, sábıdiń kúlkisinen qymbat qazyna joq. Memleket basshysy Qasym-Jomart Kemeluly Toqaev balalarǵa jaǵdaı jasaý, olardyń alańsyz, sapaly bilim alýyn turaqty baqylaýda ustap keledi.
О́ńirde balalardyń jan-jaqty damýyna, ál-aýqatyn arttyrýǵa baǵyttalǵan naqty jumystar atqarylyp jatyr. Jańa mektepter men balabaqshalar ashylyp, bilim oshaqtary zamanaýı qural-jabdyqtarmen qamtamasyz etilgen. Barsha búldirshinge shýaqty jaz aıymen qatar kelgen merekede shattyqqa toly balalyq shaq pen baqytty ǵumyr tileımin! – dedi Erbol Qarashókeev.
Is-shara barysynda balalardyń kóńilin kóterip, óneri men darynyn damytýǵa baǵyttalǵan túrli oıyn-saýyq baǵdarlamalary men shyǵarmashylyq kórinister uıymdastyryldy. Kishkentaı qatysýshylarǵa shattyq pen kóterińki kóńil kúı syılaǵan bul kún jarqyn áserlerge toly boldy.
«Baqytty bala – baqytty el» taqyrybynda ótken merekelik is-shara tek oblys ortalyǵynda ǵana emes, aýdandarda da jergilikti bıliktiń qatysýymen joǵary deńgeıde ótkizildi. Is-shara aıasynda merekelik konsertter, sporttyq jarystar, shyǵarmashylyq baıqaýlar men sheberlik sabaqtary uıymdastyrylyp, olarǵa 4 myńǵa jýyq bala belsene qatysty.
Jambyl oblysy