Atyraýda rámizder kúnine oraı týtuǵyr alańyna jınalǵandardy oblys ákimi Serik Shápkenov quttyqtap, rámizderdiń el úshin mańyzyna toqtaldy, dep habarlaıdy Egemen.kz.
«Memlekettik rámizder jaı ǵana belgi emes. Rámizder – halyqtyń rýhyn, ulttyń bolmysyn, memlekettiń ótkeni men bolashaǵyn aıqyndaıtyn qasıetti nyshandar. Týymyz – kók aspandaı keńdik pen tynyshtyqtyń, qyrandaı erkindik pen bıiktiktiń belgisi. Al Eltańbadaǵy shańyraq pen pyraq beınesi halqymyzdyń tutastyǵy men tarıhı tamyry tereńde ekenin kórsetedi. Ánuranymyz el rýhyn kóterip, el bolashaǵyna senimdi nyǵaıtady. Memlekettik rámizderdi qurmetteý – zań talaby ǵana emes, qurmettiń kórinisi. Bul kúni ár azamat úshin bul kún patrıottyq rýhty jańǵyrtyp, táýelsizdiktiń qadirin tereń sezinedi», dedi Serik Shápkenov.
Atyraýdaǵy 2020 jyly ornatylǵan týtuǵyrdyń bıiktigi – 91 metr. Alyp týdy únemi kórinip turýy úshin qolmen nemese elektr jetegimen kóteretin kóp qyrly bolattan jasalǵan dóńgelek konýstyq tiregi bar.
Týtuǵyr alańyna sýburqaq pen doǵa pishindi kompozısııa ornatylǵan. Kompozısııanyń orta tusynda qoladan jasalǵan Qazaqstan Respýblıkasynyń kartasy, joǵary jaǵynda Eltańba, al shetki bólikterinde Ánuran jazylǵan.
Atyraý oblysy