AQSh prezıdenti Donald Tramp jańa jarlyqqa qol qoıdy, dep habarlaıdy Egemen.kz «RIA Novostıge» silteme jasap.
«AQSh-tyń syrtqy saıasatyn, ulttyq qaýipsizdigin jáne terrorızmge qarsy kúres maqsattaryn eskere otyryp, men kelesi 12 eldiń azamattaryna elge tolyq kirýge tyıym salý jáne shekteý qoıý týraly sheshim qabyldadym: Aýǵanstan, Mıanma, Chad, Kongo Respýblıkasy, Ekvatorlyq Gvıneıa, Erıtreıa, Gaıtı, Iran, Lıvııa, Somalı, Sýdan jáne Iemen», delingen qujatta.
Jarlyqta «bul shekteýler AQSh-qa ımmıgrasııalyq jáne ımmıgrasııalyq emes vızalar arqyly keletin shetel azamattaryna qatysty qoldanylady» dep naqtylanǵan.
Sonymen qatar Tramp AQSh-qa kelesi jeti eldiń azamattaryna kirýdi ishinara shektegen.
«Men kelesi jeti eldiń azamattaryna elge kirýge ishinara tyıym salý jáne shekteý qoıý týraly sheshim qabyldadym: Býrýndı, Kýba, Laos, Serra-Leone, Togo, Túrikmenstan jáne Venesýela», delingen qujatta.
Bul shekteýler ártúrli bolǵanymen, olar ımmıgrasııalyq ta, ımmıgrasııalyq emes vızalarǵa da qoldanylady.