Almaty oblysynda arnaıy qajettilikteri bar azamattar úshin qoljetimdilikti qamtamasyz etý jáne qolaıly jaǵdaı jasaý baǵytynda júıeli sharalar júzege asyrylyp jatyr. Osy maqsatta oblys ákimi Marat Sultanǵazıevtiń qoldaýymen óńirdiń qala jáne aýdandary erekshe qajettilikteri bar adamdarǵa arnalǵan arnaıy avtokóliktermen qamtyldy, dep habarlaıdy Egemen.kz.
Bul bastama erekshe qajettilikteri bar azamattardyń bilim alý, eńbekke aralasý, sondaı-aq medısınalyq jáne áleýmettik qyzmetterdi paıdalaný múmkindikterin arttyrýǵa septigin tıgizedi.
Avtokólikter zamanaýı tehnıkalyq jáne sanıtarlyq talaptarǵa saı jabdyqtalǵan, bul tasymaldaý kezinde qaýipsizdik pen jaılylyqty qamtamasyz etedi.
Jobanyń bolashaqta shalǵaı eldi mekenderdi de qamtýy kózdelgen.
Múgedektigi bar azamattardyń qoǵam ómirine tolyqqandy qatysýyna jaǵdaı jasaý – áleýmettik ınklıýzııany qamtamasyz etý baǵytyndaǵy óńirlik saıasattyń negizgi basymdyǵy bolyp tabylady.
Almaty oblysy