Senat otyrysynda Qorǵanys mınıstriniń birinshi orynbasary Sultan Kamaletdınov áskerge shaqyrý barysyndaǵy zańsyzdyqtar týraly suraqtarǵa jaýap berip, jýrnalısterdi qoǵamǵa jaǵymdy mysaldardy kóbirek kórsetýge shaqyrdy. Onyń aıtýynsha, áskerı boryshyn óteýge nıetti jastar sany az emes, dep jazady Egemen.kz.
Senattaǵy jıynda Qorǵanys mınıstriniń birinshi orynbasary Sultan Kamaletdınov áskerge shaqyrý naýqanyna qatysty pikir bildirdi. Ol áskerge azamattardy kósheden ustap áketý oqıǵalarynyń bar ekenin rastap, bul áreketterdiń zańsyz ekenin málimdedi.
«Mundaı faktiler – tek Qarýly Kúshterge ǵana emes, jalpy memleketke, qoǵamymyzǵa degen qurmetsizdik. Bul – ortaq másele. Árbir azamat zań aıasynda áskerı mindetin óteýi kerek», dedi ol.
Sultan Kamaletdınov jýrnalısterdi tek teris jańalyqtardy emes, elge úlgi bolarlyq oqıǵalardy da nasıhattaýǵa shaqyrdy.
«Sizder tek osyndaı teris jaıttardy nasıhattaısyzdar. Menińshe, bul durys emes. О́z erkimen áskerge barǵysy keletin jastardy da kórsetý kerek. Olar — bizdiń maqtanyshymyz», dedi mınıstrdiń orynbasary.
Aıta keteıik, kóktemgi áskerge shaqyrý naýqany naýryz aıynan maýsymnyń sońyna deıin jalǵasady. Resmı málimetke sáıkes, 2025 jyly Qazaqstanda 20 myńnan astam azamat ásker qataryna shaqyrylýy tıis.
Janel TО́LEÝBEKOVA, EUÝ stýdenti