Búgin Almaty oblysynyń qylmystyq ister jónindegi mamandandyrylǵan aýdanaralyq soty Sherzat Polatty óltirý, Nurǵanat Gaıpbaevty óltirýge oqtalý, buzaqylyq, urlyq jáne jasalǵan qylmys týraly habarlamaý aıyptary boıynsha 9 adamǵa qatysty úkim shyǵardy, dep jazady Egemen.kz.
Sot kinálilerge aýyr jaza taǵaıyndap, túsinikteme berdi.
Sot barlyq usynylǵan dáleldemelerdi zerttep, sottalýshylardyń taǵylǵan aıyp boıynsha kináleri tolyq dáleldengen degen tujyrymǵa keldi. Jábirlenýshilerdiń, kýálerdiń aıǵaqtary, oqıǵa ornynan alynǵan beınejazbalar bar, zattaı dáleldemeler alynǵan, qajetti saraptamalardyń barlyǵy ótkizilgen. Joǵarǵy sot olardyń shynaıylyǵynda kúmán joq ekenin atap ótti. Bul dáleldemeler sottalýshylardyń árqaısynyń áreketin aıqyn anyqtaýǵa múmkindik beredi. Shynasyldyń naqty Sherzat Polatqa, onyń ólimine alyp kelgen pyshaq jaraqatyn keltirgeni, medısınalyq-krımınalıstik saraptama qorytyndysymen bekitilgen. Saraptama Shynasyldan alynǵan pyshaqpen (pyshaq júziniń sıpattamasymen) jaraqat keltirilgenin kórsetti. Pyshaq Shynasyl kórsetken jerden, orman alqabynan alynǵan. Tergeý kezinde Shynasyl kinásin moıyndap aıǵaq bergen. Osy oraıda, basqa sottalýshylardyń áreketteri saldarynan Sherzat Polatqa jeńil dárejeli zııan keltirilgen. Bul da saraptama qorytyndysymen rastalǵan. «Zań boıynsha adam óltirýdi adamdar tobymen jasalǵan dep, eger ol eki nemese odan da kóp tulǵalardyń birlesip jasaǵan áreketterimen jasalǵan kezde tanylady. О́limniń sebebi bir pyshaq soqqysynan bolǵan jáne ony Shynasyl jasaǵan. Sáıkesinshe, ol adam óltirý boıynsha kináli dep tanylǵan. Buzaqylyq zań boıynsha barynsha arsyzdyqpen erekshelenetin, kúsh qoldanýmen, sonyń ishinde jeńil dárejeli densaýlyqqa zııan keltirýmen ushtasqan, qoǵamdyq tártipti asa qatygezdikpen buzý bolyp tanylady. Sondyqtan jábirlenýshilerdiń densaýlyǵyna, sonyń ishinde Polatqa, jeńil dárejeli zııan keltirgen sottalýshylardyń áreketteri buzaqylyq retinde saralanǵan», delingen Joǵarǵy Sot habarlamasynda. Sherzat Polatqa soqqylar keltirgen Belǵojaev pen Ilıasovtyń qoldarynda pyshaq jáne oqtalǵan myltyq bolǵanyn eskerý qajet, ıaǵnı olar jábirlenýshini sol pyshaqtyń júzimen uryp jáne myltyqpen atýǵa múmkinshilikteri bolǵan, biraq olar pyshaqtyń sabymen jáne myltyqtyń túbimen urǵany anyqtaldy. Jaza taǵaıyndaý kezinde sot QK-niń 53-babynda qaralǵan jeńildetetin mán-jaılardy tek Azamat jáne Nurbol Toqtaýbaevtarda, Kalıahmette (bul jas balalarynyń bolýyn) jáne Ysqaqtyń kámeletke tolmaǵanyn eskerdi. Sondaı aq, barlyq sottalýshylarda, kámeletke tolmaǵannan basqa, aýyrlatatyn mán-jaı retinde alkogolden masań kúıde bolýy tanylǵan. Sonymen qatar sot sottalýshylardyń jeke basyn, olardyń bir bóliginiń buryn sotty bolǵandaryn eskergen. «Atap aıtqanda, Azamat Toqtaýbaev pen Nurqııas Ilıasovke burynǵy sottylyqtarynyń ótelmegen jazalaryn eskerip, 15 jáne 9 jylǵa bas bostandyǵynan aıyrý jazasy taǵaıyndaldy. Bul merzimder, joǵarǵy shegine jaqyn. Buzaqylyq boıynsha basqa kinálilerge zańmen belgilengen joǵarǵy merzimder - 7 jylǵa bas bostandyǵynan aıyrý jazasy taǵaıyndaldy. Keltirilgen moraldyq zııandy óteý úshin jaqyn týystarynyń kózinshe asa aýyr qylmys jasaǵany eskerilip, Shynasyldan 60 mıllıon teńge, Sakıevten 30 mıllıon teńge óndirildi. Basqa sottalǵandar men Sakıevten buzaqylyq jasaǵany úshin birlesip, 30 mıllıon teńge óndirildi», delingen Joǵarǵy Sot habarlamasynda. Jábirlenýshiler kámeletke tolmaǵan Y-ǵa qatysty azamattyq talappen aryzdanbaǵan. Budan bólek, sotpen kýáler D.A.Jaqsygeldi, E.K.Nýrbekova, A.M.Kazakenov, Iý.D.Rýzbakıevtiń áreketterinde bolýy múmkin qylmys quramyna prokýrordyń nazaryn aýdarý týraly jekeshe qaýly shyǵaryldy. Olardyń kinásiniń dárejesin quqyq qorǵaý organdary anyqtaý qajet. Atalǵan sot talqylaýy BAQ ókilderiniń qatysýymen tolyq ashyq ótkenin atap ketý qajet. Barlyq sot otyrystary jurtshylyq tarapynan joǵary nazar aýdarý jaǵdaıynda tikeleı efırde kórsetildi. Buǵan qaramastan sot tek qana zań normalaryna jáne ádildik prınsıpin basshylyqqa ala otyryp, beıtaraptylyqty ustandy.