Atyraý oblysynda Qashaǵan ken ornynan suıytylǵan munaı gazyn (SMG) alý, tasymaldaý jáne fraksııalaý zaýyty jobasynyń qurylys jumystary bastaldy. Jobany iske asyrý ishki naryqty SMG-men turaqty qamtamasyz etýge jáne gaz motor otyny tapshylyǵyn azaıtýǵa baǵyttalǵan, dep jazady Egemen.kz.
Joba Qazaqstan Respýblıkasy Energetıka mınıstrligi men Soltústik Kaspıı jobasy boıynsha ónimdi bólý týraly kelisim aıasynda merdiger kompanııalar arasyndaǵy kelisimder negizinde júzege asyrylýda. 2024 jyly «QazaqGaz» AQ men «NortKaspıan Opereıtıng Kompanı» JShS arasynda SMG satý-satyp alý shartyna qol qoıylyp, jobanyń Jol kartasy bekitildi.
Qazirgi tańda nóldik sıkl jumystary júrgizilýde: jabdyqqa irgetas qalaý, ǵımarattar men ınfraqurylym salý jumystary atqarylýda. Ishki naryqqa odan ári ótkizý úshin gazdyń alǵashqy legin qabyldaý 2025 jylǵy jeltoqsanǵa josparlanǵan.
Joba eldiń energetıkalyq qaýipsizdigi úshin strategııalyq mańyzǵa ıe jáne gaz óńdeý salasynyń damýyna eleýli úles qosady.