О́ńirlik bıýro basshysyn qabyldady

Májilis Tóraǵasy Qabıbolla Jaqypov DDU Eýropa óńirlik bıýrosynyń dırektory Jýjanna Iаkabty qabyldady, dep habarlady osy palatanyń baspasóz qyzmeti. Qabıbolla Jaqypov alǵashqy medısınalyq kómek kórsetý boıynsha DDU Eýropa bıýrosy keńsesiniń Almatyda ashylýy­men quttyqtady. Saltanatty shara 11 aqpanda ótken bolatyn. Taraptar bul Qazaqstan men Ortalyq Azııa ǵana emes, Eýropa úshin de mańyzdy oqıǵa ekenin atap ótti. Májilis Tóraǵasy Qazaqstan Prezıdentiniń mańyzdy baǵdar­lamalarynda densaýlyq saq­taý máselesine aıryqsha basym­dyq beriletinin alǵa tarta ke­lip, Elbasy saıasatynyń álem­degi ekonomıkalyq jaǵdaıǵa qara­mas­tan áleýmettik mindet­te­me­lerdi tolyq kólemde júzege asy­rýǵa baǵyttalǵanyn atap ótti. О́z kezeginde Jýjanna Iаkab keń­seniń Qazaqstanda ashylýy – Nursultan Nazarbaevtyń ǵa­lamdyq jáne aımaqtyq deń­geıdegi densaýlyq saqtaý má­se­lesine qatysty teńdessiz róli­niń aıqyn dáleli ekenin jetkizdi. Osy rette mártebeli meıman Qazaqstan Prezıdentiniń áleýmettik salany ınvestısııalaý qajettiligine qatysty kóregen sheshimderin aıtyp, bizdiń elimizdiń alǵa qoıǵan barlyq maqsattaryna jetetindigine senim bildirdi. Kezdesý barysynda Májilis Tóraǵasy Qazaqstanda densaýlyq saqtaý júıesin jetildirýge, densaýlyqty nyǵaıtýǵa, dári-dármek saıasatyn damytýǵa baǵyt­talǵan zańnamalyq jumystar týraly áńgimeledi. Jýjanna Iаkab densaýlyq saqtaý júıesin jańǵyrtý kór­setkishteri boıynsha jetis­tikterdi tizbeleı kelip, DDU men Qazaqstannyń ózara is-qımylyna joǵary baǵa berdi.