Jýyrda petropavldyń jol saqshylary kólik júrgizýge quqyǵy joq 17 jasar jasóspirimdi qalanyń ortalyq kósheleriniń birinde «Audi» kóligin júrgizip bara jatqan jerinen ustady. Bul balanyń birinshi ret ustalýy emes, buǵan deıin de ol ustalyp, ata-anasy aıyppul tólegen, dep jazady Egemen.kz.
Biraq jasópirimniń ózi de, ata-anasy da tıisti qorytyndy shyǵarmaı otyr. Osyndaılardyń kesirinen oblystyń joldarynda jyl basynan beri 184 jol-kólik oqıǵasy bolyp, 7 adam mert bolyp, 256 adam túrli jaraqattar aldy.
Qazir oblys boıynsha «Qaýipsiz jol» atty jedel-profılaktıkalyq sharalar ótkizilýde. Oǵan 350 polısııa qyzmetkerleri tartylyp, jol qaýipsizdigin baqylaýda. 19 sáýirden beri júrgizilip kele jatqan osy sharalar barysynda jol júrýge quqyq beretin kýáligi joq 135 jasóspirim ustalǵan.
Osynyń ózi quqyq buzýshylarǵa qoldanylatyn sharalardyń yqpalynyń azdyǵyn kórsetedi. Eger bir mashınany kýáliksiz júrgizgeni úshin ekinshi ret ustalǵan balanyń kóligi jasy 18-ge tolyp, kýálik alǵansha tárkilenetin bolsa – quqyq buzýshylyq azaıar edi.
Soltústik Qazaqstan oblysy