Elbasy Germanııa Federaldyq kansleri Angela Merkelmen telefon arqyly sóılesti, dep habarlady Prezıdenttiń baspasóz qyzmeti.
Nursultan Nazarbaev pen Angela Merkel Reseı, Ýkraına, Fransııa prezıdentteriniń jáne Germanııa Kansleriniń Mınskide «normand pishiminde» ótken kelissózderiniń qorytyndysy týraly sóılesti.
Memleket basshysy Mınsk kezdesýiniń tabysty aıaqtalýyna Federaldyq kanslerdiń qomaqty úles qosqanyn atap ótti.
A.Merkel Ýkraınanyń ońtústik-shyǵysyndaǵy qaqtyǵysty beıbit retteý úderisin ilgeriletýdegi Nursultan Nazarbaevtyń kúsh-jigeriniń mańyzdylyǵyna toqtaldy jáne «normand tórttiginiń» kezdesýin Astanada ótkizý múmkindigin ataı otyryp, osy mańyzdy jumysty jalǵastyrýdy ótindi.
Memleket basshylary barlyq taraptyń beıbit úderisti qamtamasyz etýge jumsaǵan kúsh-jigeri Ýkraınadaǵy daǵdarysty retteýge septigin tıgizedi dep úmittenetinderin aıtty.
Sondaı-aq taraptar Qazaqstan-Germanııa yntymaqtastyǵynyń deńgeıi joǵary ekenin qanaǵattanýshylyqpen atap ótti.
Telefon arqyly sóılesýge Germanııa jaǵy bastamashylyq etti.