Aqtóbe oblysy, Muǵaljar aýdany, Qandyaǵash qalasynyń 35 jastaǵy turǵyny ózin «blogermin» dep tanystyryp, tórt azamattan aldaý jolymen on mıllıon teńgeden astam qarajatty ıemdengen, dep habarlaıdy Egemen.kz.
Ol ótken jyly bir tanysyn balabaqshaǵa jumysqa ornalastyrýǵa, ekinshisine júrgizýshilik kýálik alyp berýge, sońǵylaryna memlekettik satyp alý boıynsha tenderlik jumystardy utyp berýge ýáde etken.
«Blogerdiń» ýádesine sengen tanystary onyń qolyna on mln teńgeden astam qarajatty ustatqan. Ýaqyt óte kele berilgen ýádeniń oryndalmaıtynyna kózderi jetken jábirlenýshiler Muǵaljar aýdandyq polısııa bólimshesine aryz jazǵan. Qazirgi ýaqytta «jalǵan blogerdiń» ústinen Qylmystyq Kodekstiń «alaıaqtyq» baby boıynsha is qozǵalyp, ýaqytsha tergeý ızolıatoryna qamaldy.
Quqyq qorǵaý organdary alaıaqtyń zańsyz áreketterinen zardap shekken basqa da azamattardyń jedel habarlasýyn suraıdy. Qazirgi kezde sotqa deıingi tergeý amaldary bastalyp, kúdiktiniń on mıllıon teńgeni qaıda jumsaǵany tergelip jatyr.
Aqtóbe oblysy