Halyqqa qyzmet kórsetý ortalyqtaryndaǵy kezekterdi naqty ýaqyt rejıminde baqylaýǵa múmkindik beretin jańa sıfrlyq qyzmet iske qosylady, dep habarlaıdy Egemen.kz.
Qazirgi ýaqytta «HQKO» mobıldi qosymshasy men birqatar navıgasııalyq servısterde sıfrlyq tablony engizý jumystary júrgizilip jatyr. Bul júıe azamattarǵa naqty ýaqytta árbir bólimsheniń júktemesin kórýge, saparlaryn tıimdi josparlaýǵa jáne bos fılıaldardy tańdaýǵa múmkindik beredi. Qyzmet maýsym aıynyń ishinde iske qosylady dep josparlanǵan.
Memlekettik korporasııa taratqan málimetke sáıkes, bul bastama HQKO-daǵy kelýshiler legin retteýge, eń kóp júktemeli saǵattarda kezekti azaıtýǵa jáne qyzmet kórsetý sapasyn arttyrýǵa baǵyttalǵan.
«Bul jańashyldyq azamattardyń ýaqytyn únemdeýge, yńǵaıly qyzmet alýyna jáne ortalyqtardyń jumysyn ońtaılandyrýǵa septigin tıgizedi. Bolashaqta mundaı tásil kezekterdi azaıtyp, memlekettik qyzmetterdi alý úderisin jeńildetedi», delingen resmı habarlamada.