ASTANA. 14 aqpan. Aqtóbede 7 aqpan kúni Islam Qazbekov esimdi 10 jasar bala joǵalyp ketip edi. Ol arada 9 saǵat ótkennen keıin aman-esen tabyldy. Bul týraly jergilikti «Dıapazon» gazeti habarlady.
Osy oqıǵa týraly biz de habarlaǵan edik. Keıin anyqtalǵandaı, bala úıdiń aýlasyndaǵy, 11-shaǵyn aýdandaǵy №32 mekteptiń janyndaǵy muz aıdynynda oınap qaıtýǵa ájesinen ruqsat surap ketedi.
Saǵat 16:00-de úıden ketken Islam sol boıy habarsyz qalady. Arada bir saǵat ótkende, úı janynda syrǵanaqtan nemeresin tappaǵan ájesi ony polıseılermen birge izdeýge shyǵady.
Izdeýshiler Islamdy tek saǵat 00:20-da «Mega-Aqtóbe» saýda ortalyǵynyń janyndaǵy muz aıdynynan tabady. Ony qalalyq ishki ister basqarmasy bastyǵynyń orynbasary Nábı Aldamjarov baıqap qalady. Ony kishkentaı balanyń túnniń jarymynda bir ózi júrgeni kúdiktendiredi.
Polıseıler sol kúni balany ata-anasyna aman-esen tapsyrdy. Islamnyń aıtýynsha, ony synyptastary «Mega» janyndaǵy muz aıdynyna oınaýǵa shaqyrypty. Oqýshy sol jerde 9 saǵatqa jýyq ýaqyt júrip qalypty.
Murat Aıtqoja.
Derek, foto: Dıapazon.