ASTANA. 14 aqpan. Memleket basshysy Nursultan Nazarbaev Reseı Prezıdenti Vladımır Pýtınmen telefon arqyly sóılesti. Bul týraly Aqordanyń baspasóz qyzmeti habarlady.
Eki eldiń kóshbasshylary Ýkraına daǵdarysyn retteýge arnalǵan Mınsk kezdesýiniń qorytyndylaryn talqylady.
Qazaqstan Prezıdenti naq osy «normand tórttiginiń» joǵary deńgeıdegi kezdesýi, ásirese Vladımır Pýtınniń kelissózder kezindegi belsendi ustanymy Mınskide kelisimge jetýge septigin tıgizgenin atap ótti.
Memleketter basshylary qaqtyǵysýshy eki taraptyń da oq atýdy belgilengen saǵatta (2015 jylǵy 15 aqpan, 00.00 saǵat) toqtatý týraly ýaǵdalastyqty oryndaýy erekshe mańyzdy ekenine toqtaldy.
Qazaqstan men Reseı Prezıdentteri beıbit úderisti qamtamasyz etýge jumsalǵan kúsh-jiger Ýkraınadaǵy qaqtyǵys máselesin sheshýge septigin tıgizedi dep úmittenetinderin jetkizdi.
V.Pýtın sondaı-aq ekonomıka salasyndaǵy birlesken jumysty talqylaý úshin Belarýs, Qazaqstan jáne Reseı basshylarynyń Astanadaǵy úshjaqty kezdesýine qatysýǵa daıyn ekenin rastady.
Telefon arqyly sóılesýge Reseı jaǵy bastamashylyq etti.