PETROPAVL. 14 aqpan. Petropavl qalasynyń ákimi Marat Tasmaǵanbetov ishki ister salasynyń bir top jas qyzmetkerlerimen kezdesip, jaıly páterlerdiń kiltterin tabys etti. Bul týraly oblystyq ishki ister departamentiniń baspasóz qyzmeti habarlady.
Qalalyq ishki ister basqarmasy jyl ótken saıyn jas kadrlarmen tolyǵyp keledi. Qazir bul salada 110 jas maman qyzmet etedi. Búginde patrýldik bekette 67, qylmystardy izdeý bóliminde 7, tergeý salasynda 9 jas maman bar.
Shahar basshysy Marat Tasmaǵanbetovtyń qolynan jańa páterdiń kiltine ıe bolǵandardyń biri – Baımuqanovatar shańyraǵy. Ishki ister organynda jumys jasaıtyn erli-zaıyptylar buǵan deıin páter jaldap kelse, endi olar bul qıyndyqtan qutyldy. Jol-patrýl batalonynyń qyzmetkeri Abaı Mýsın de baspanaly boldy.
Jıynda qoǵamdyq tártipti qadaǵalaýda jemisti eńbek etip júrgen jas polıseılerge qurmet gramotalary men alǵys hattar tabys etildi.
О́mir Esqalı.
Derek: Soltústik Qazaqstan oblystyq ishki ister departamentiniń baspasóz qyzmeti.
Sýret: egemen.kz.