ORAL. 14 aqpan. Oral qalasyndaǵy «Zenıt» zaýyty jáne «Gıdroprıbor» ǵylymı zertteý ınstıtýty TMD aýqymynda balamasy joq, áskerı jáne azamattyq maqsattarǵa qyzmet kórsetetin robottardy shyǵarý isimen aınalysyp keledi. Bul týraly egemen.kz tilshisi habarlady.
Búgingi kúni Qazaqstandyq konstrýktorlarmen birlesip jumys isteýge Fransııanyń ESA Robotus kompanııasy úlken yqylas tanytyp otyr. Sóıtip osy oraıda olar arnaıy kelisimge keldi. Osy kompanııanyń bıznes-menedjeri Olıve Magreniń málimdeýinshe, Qazaqstanda fransııalyqtardyń jobalaryna qanat bitire alatyn sony salanyń jilik maıyn shaǵyp ishken bilikti mamandar bar.
Tutastaı alǵanda, Oraldaǵy atalǵan qurylymdar elimiz qarýly kúshteriniń tapsyrysyna saı robot tehnıkalarmen shaǵyn katerler jáne sý astyndaǵy munaı gaz qubyrlaryna qajetti qural jabdyqtar shyǵarady. Dál osyndaı jumys aýqymy aldaǵy úsh jyldyń ishinde de bolatyny belgili bolyp otyr. «Birinshi kezekte bul aıryqsha otandyq ónimder elimizdiń qarýly kúshterine arnalyp shyǵarylmaq», – dep málimdedi áskerı teńiz kúshteri bas qolbasshysy, kontr-admıral Jandarbek Januzaqov egemen.kz tilshisine.
Qazir Qazaqstan-Fransýz taraptary óz suranystaryn ótegennen keıin robot tehnıkalardy TMD jáne Orta Azııa elderine eksportqa shyǵarýdy uıǵarǵan.
Temir Qusaıyn.
Derek: egemen.kz.
Sýret: uralsk.info.