Bahreın Koroldiginiń Manama qalasynda QR Qarýly kúshteri Áskerı-teńiz kúshteriniń 5 áskerı qyzmetshisi sý asty mınalaryn tazartý boıynsha halyqaralyq kýrstarǵa qatysyp, biliktiligin arttyrdy, dep habarlaıdy Egemen.kz.
Atap ketken jón, sý asty mınalaryn tazartý boıynsha kýrstar halyqaralyq áskerı yntymaqtastyq sheńberinde ótkiziledi.
Qorǵanys mınıstrliginiń baspasóz qyzmetiniń málimdeýinshe Parsy shyǵanaǵy akvatorııasynda praktıkalyq súńgý barysynda áskerı qyzmetshiler sý astyndaǵy jarylǵysh zattardy anyqtaý jáne beıtaraptandyrý taktıkasyn pysyqtady.
Kapıtan-leıtenant Jánibek Salyqbaevtyń aıtýynsha mundaı is-sharalarǵa qatysý ozyq ádistemeler men tehnologııalardy qabyldaýǵa múmkindik beredi. Jaǵalaý aımaqtarynda qaýipsizdikti qamtamasyz etý jónindegi operasııalarǵa daıyndyqty arttyrýǵa jáne seriktes elderdiń áriptesterimen ózara is-qımyldy nyǵaıtýǵa yqpal etedi.