ORAL. 22 maýsym. Batys Qazaqstan oblysynda sheteldiń KPO b.v. kompanııasy biraz jyldan beri kómirsýtegi shıkizatyn óndirýde. О́ńirdiń aýdanaralyq ekonomıkalyq soty atalǵan kompanııaǵa ekologııany lastaǵany úshin 7 mlrd.-tan astam teńge kóleminde aıyppul salý týraly sheshim shyǵardy. Bul týraly egemen.kz tilshisi habarlady.
KPO b.v.-nyń óndirisi tutastaı alǵanda el ekonomıkasyna munaı-gaz sektorynan túsetin tıimdilik pen paıdanyń úlesin kóbeıtýge septigin tıgize alady. Alaıda, kompanııa alıansy óz erkimen aýany lastaıtyn zattardy shyǵarýǵa jol berip jatsa, ol tıimdilik pen paıdanyń quny kók tıyn bolyp qalmasyna kim kepil?! О́ıtkeni, mundaı jaǵdaıda jergilikti turǵyndardyń densaýlyǵyna onyń teris áseri tııýi ábden múmkin.
Sonymen qatar, munyń ózi elimizdiń ekologııalyq zańdylyqtary men talaptaryna da qaıshy keledi. Qarashyǵanaq kenishi aýmaǵynda gazdy alaý jaǵý men tehnıkalyq jaǵdaıǵa baılanysty onyń buzylý kórinisteri oryn aldy. Ony Batys Qazaqstan oblystyq ekologııa departamenti ótken jyldyń jeltoqsan aıynda jospardan tys tekserý júrgizgen kezde anyqtady. Soǵan sáıkes atalǵan departament sotqa tıisti talap-aryz joldady. О́z kezeginde Batys Qazaqstan oblystyq aýdanaralyq ekonomıkalyq soty KPO b.v. kompanııasynan 7 mlrd. 286 mln. 716 myń teńge óndirý jóninde sheshim shyǵardy.
Temir Qusaıyn.
Derek: egemen.kz.
Sýret: uralskweek.kz.