PAVLODAR. 22 maýsym. Tóleý Qushmanova basqaratyn «Saǵyp» sharýa qojalyǵyna «Qazagromarketıng» AQ men oblystyq ákimdik tarapynan halyqaralyq kórmege qatysýǵa shaqyrtý keldi. Bul týraly egemen.kz tilshisi habarlady.
EXPO-2015 dúnıejúzilik kórmesi Mılanda 2015 jylǵy 1 mamyr-31 qazan aralyǵynda ótedi. Kórmeniń taqyryby - «Planetany tamaqtandyrý, tirshilikke arnalǵan energııa».
Qazir qymyz sehynda saýylatyn 140 bıeden táýligine 1400-1500 lıtrge deıin ónim alynýda. Naýryzda Máskeýge 4 tonna qymyz jiberilgen. Sharýa qojalyǵy taǵy da 50 jylqy turatyn keshen turǵyzý jumystaryn júrgizýdi qolǵa alýda. «Saǵyptyń» qymyzy buǵan deıin «Qaraótkel jármenkesi-2012» jármeńke-baıqaýynyń jeńimpazy atandy. Máskeýde ótken qazaqstandyq taýarlar men ónimder kórmesiniń qorytyndysy boıynsha Reseı naryǵyna qymyz satý úshin memorandýmǵa qol qoıyldy.
Farıda Byqaı.
Derek, sýret: egemen.kz