Qoǵam men bılik arasyndaǵy ashyq ári senimdi qarym-qatynas ornatý – kez kelgen memlekettiń basty saıasaty. Osy turǵyda azamattardy jeke qabyldaý – memlekettik organdar men turǵyndar arasyndaǵy tikeleı jáne shynaıy dıalog ornatýdyń mańyzdy quraly sanalady. Bul tek formaldy rásim emes, naqty máseleni sheshýge bastaıtyn pármendi tetik.
Qazaqstan Respýblıkasy Ákimshilik rásimdik-prosestik kodeksiniń 90-babyna sáıkes memlekettik organdardyń, jergilikti ózin-ózi basqarý organdarynyń basshylary men olardyń orynbasarlary azamattardy jáne zańdy tulǵalardyń ókilderin, onyń ishinde osy organdardyń qyzmetkerlerin aıyna keminde bir ret, tıisti memlekettik organnyń basshysy bekitken qabyldaý kestesine sáıkes, jeke qabyldaýǵa mindetti ekeni naqty kórsetilgen. Bul – zańmen bekitilgen jaýapkershilik qana emes, sondaı-aq qoǵammen baılanys jasaýdyń júıeli joly.
Sıfrlandyrý men jasandy ıntellekt dáýirinde kóptegen qyzmet túri onlaın formatqa kóshkenimen, jeke qabyldaýdyń mańyzdylyǵy tómendegen joq. Kerisinshe, ol – azamat pen sheneýnik arasyndaǵy dıalogtyń balamasyz alańy dep esepteledi. Qabyldaý barysynda otandastarymyzdyń júgingen máselesine degen emosııasyn tikeleı sezinip, jazbasha ótinishterde nazardan tys qalyp, kórinbeı qalatyn tustardy ańǵarýǵa bolady. Bul ásirese jaǵdaı shuǵyl sheshim qabyldaýdy talap etkende asa mańyzdy.
Búginde tájirıbe barysynda baıqaǵanymyz, qabyldaýlar kezinde resmı esepterde aıtylmaıtyn, jıi nazardan tys qalatyn máseleler kóteriledi. Mysaly, zańnamadaǵy olqylyqtar, normalardyń jergilikti jerlerde tıimdi qoldanylmaýy, zań men shynaıy ómir arasyndaǵy alshaqtyq.
Mıra ShÁÝÁLI,Bas prokýratýraQuqyqtyq statıstıka jáne arnaıy esepke alý jónindegi komıtetiniń kóliktegi departamentiО́tinishterdi taldaý jáne baqylaý bóliminiń prokýrory