21 maýsymda Qara Ertis ózenindegi Boran aýylynan 5 shaqyrym jerde 2007 jyly týǵan azamat sýǵa batqan. Oǵan 1991 jáne 1992 jyly týǵan eki azamat kómekke júgirgen. О́kinishke oraı, aǵysqa tótep bere almaı úsheýi de mert boldy, dep jazady Egemen.kz.
Oqıǵa ornynda jáne oblystyq tótenshe jaǵdaılar departamentinde jedel shtab qurylyp, izdeý jumystaryna kirisken. Izdeý sharalaryna Shyǵys Qazaqstan men Abaı oblysynyń qutqarýshylary, polıseıler, eriktiler, jergilikti atqarýshy organdar men shekara qyzmetkerleri qatysty. Barlyǵy176 adam, 15 júzý quraly, 3 ushqyshsyz ushý apparaty, sý astyndaǵy dron iske qosyldy.
Nátıjesinde sýǵa batqan úsh adamnyń denelerin qutqarýshylar tapty. Osy oraıda TJD qyzmetkerleri sýǵa túsý maýsymynda asa saq bolý kerektigin qatań eskertedi.
Shyǵys Qazaqstan oblysy,
Marqakól aýdany