Jambyl oblysynda natrıı sıanıdin óndiretin jańa zaýyttyń ekinshi kezeńin iske asyrý boıynsha jumys atqarylyp jatyr. Kásiporyn tolyq qýatynda jumys istegen kezde jańa jumys oryndary ashylady, dep habarlaıdy Egemen.kz
Jambyl oblysynyń ákimi Erbol Qarashókeev «Saýts-Oıl» JShS prezıdenti Serikjan Seıtjanovpen kezdesý barysynda Talas aýdanynda natrıı sıanıdin óndirý boıynsha «Talas Investment Company» JShS zaýytyn keńeıtý jobasynyń ekinshi kezeńin iske asyrý máselesin talqylady.
Joba aıasynda kásiporynnyń qýattylyǵy jylyna 30 myń tonnaǵa deıin artady. Qosymsha 300 jumys orny ashylady dep kútilýde. Jergilikti atqarýshy organdar ınfraqurylym máselelerin sheshýge qoldaý kórsetedi.Serikjan Seıtjanov qurylys jumystaryn 2025 jyldyń tamyz aıynyń ortasyna deıin aıaqtaý josparlanyp otyrǵanyn habarlady.
О́ńir basshysy zaýyt qyzmeti altyn óndirý jáne basqa da salalarda suranysqa ıe strategııalyq ónim shyǵarý arqyly elimizdiń ımportqa táýeldiligin azaıtýǵa jáne ónerkásiptik qaýipsizdikti nyǵaıtýǵa yqpal etetinin atap ótti. Zaýyt ishki naryqty tolyq qamtamasyz etip qana qoımaı, eksporttyq áleýetti nyǵaıtyp keledi.
Erbol Qarashókeev óńirdiń serpindi ınvestısııalyq jobalary men ınvestısııalyq saıasatynyń negizgi baǵyttary týraly aıtyp, Jambyl oblysynyń turaqty damýy úshin strategııalyq seriktesterdi tartýdyń mańyzdylyǵyn atap ótti.