Jambyl oblysynda 2025 jylǵy jazǵy demalys maýsymynda 1–10 synypta oqıtyn 217 757 oqýshynyń 193 071-i (88,6%) jazǵy saýyqtyrýmen qamtyldy, dep habarlaıdy Egemen.kz.
Balalardyń tynyǵýyn uıymdastyrý úshin ár alýan lager túri qarastyrylǵan. Oblys ákimdigi bilim basqarmasynyń basshysy Nurbek Orshybekovtiń aıtýynsha, qala syrtyndaǵy lagerlerge – 7 673, mektep janyndaǵy lagerlerge – 33 607, mektep alańdaryna – 147 271, kıiz úı jáne shatyrly lagerlerge – 3 505, respýblıkalyq lagerlerge – 315 oqýshy qabyldandy. Sonymen qatar 700 bala ata-analar men kásipodaqtar esebinen demalýǵa jiberiledi.
Oblystaǵy 12 qala syrtyndaǵy lagerdiń jeteýi bıyl jumysyn bastady. Onyń ishinde jyl boıy qyzmet kórsetetin «Móldir bulaq» oqý-saýyqtyrý ortalyǵy men maýsymdyq memlekettik jáne jekemenshik lagerler bar. Munda áleýmettik turǵydan osal toptaǵy balalarǵa basymdyq berilgen. 2 maýsymnan bastap 407 mektep janyndaǵy lager ashylyp, 33 607 oqýshyny qamtydy.
Budan bólek, jetistikterimen erekshelengen 793 oqýshy «Qazaqstan halqy» qorynyń qoldaýymen qala syrtyndaǵy lagerlerde demalýda. 295 oqýshy «Baldáýren» ortalyǵynda, 20 oqýshy «Bóbek» saýyqtyrý ortalyǵynda jazǵy demalysyn tıimdi ótkizýde.
Jambyl oblysy