Astana óńirlerden áskerı paradqa shaqyrylǵan Uly Otan soǵysynyń ardagerlerin saltanatty túrde qarsy alýda.
Qazaqstannyń túrli óńirlerinen Astanaǵa Uly Otan soǵysynyń ardagerlerinen quralǵan delegasııa kelip jatyr. Keshe tańerteń elordaǵa temir jol jáne avıakóliktermen Pavlodar, Jambyl, Qyzylorda, Aqtóbe oblystarynan ardagerler keldi. Budan keıin Almaty, Aqmola, Aqtóbe, Mańǵystaý jáne Batys Qazaqstan oblystarynan UOS qatysýshylar kelip jetti.
«Qanshama jyldar ótse de Uly Otan soǵysyna qatysýshylardyń esinde surapyl soǵys jyldarynyń estelikteri máńgi qaldy. Biz Uly Jeńistiń 70 jyldyǵyn merekeleýge keldik. Jastardyń júz myńdaǵan adamnyń qanymen kelgen jeńisti, beıbitshilikti kóziniń qarashyǵyndaı saqtap, baǵalaıtynyn kórý – bir ǵanıbet», – dedi Atyraý oblysynan kelgen maıdanger О́tep Nurıev.
Áskerı paradqa jáne merekelik is-sharalarǵa qatysý úshin Qazaqstannyń 14 oblysy men Almaty qalasynan jalpy sany 244 ardager, sondaı-aq, Astanada turatyn 16 maıdanger shaqyryldy.
7 mamyr kúngi áskerı paradtan keıin qonaqtar saltanatty qarsy alý rásimine, «Qazaqstan» men «Astana opera» ortalyqtaryndaǵy merekelik konsertterge qatysady. «Atameken» Qazaqstan kartasy» etno-memorıaldyq kesheni men «Áziret Sultan» meshitinde bolady.
Amangeldi QIIаS, «Egemen Qazaqstan».