Memleket basshysynyń zańsyz ıemdelgen aktıvterdi qaıtarý jónindegi tapsyrmalaryn júzege asyrý aıasynda elde qarqyndy jumystar júrgizilip jatyr. Qaıtarylǵan qarajat áleýmettik jáne ınjenerlik ınfraqurylymdy damytýǵa baǵyttalǵan, dep habarlaıdy Egemen.kz.
Úkimet Qaraǵandy oblysyndaǵy 51 medısınalyq mekeme qurylysyn aıaqtaýǵa Arnaýly memlekettik qordan 5,9 mıllıard teńge bólý týraly sheshim qabyldady. Bul nysandar «Aýylda densaýlyq saqtaýdy jańǵyrtý» ulttyq jobasy aıasynda salynfp jatyr jáne olardy jyl sońyna deıin paıdalanýǵa berý josparlanyp otyr.
«Shet, Aqtoǵaı, Abaı, Buqar jyraý, Qarqaraly, Nura jáne Osakarov aýdandarynda jańa dárigerlik ambýlatorııalar, sondaı-aq feldsherlik-akýsherlik jáne medısınalyq pýnktter salynady. Olardy júzege asyrý shalǵaıdaǵy eldi mekenderdiń turǵyndary úshin medısınalyq qyzmetterdiń qoljetimdiligin arttyrýǵa baǵyttalǵan. Medısınalyq qyzmetke qoljetimdilik, aldyn alý jumystary, erte dıagnostıka, sondaı-aq tótenshe jaǵdaılarda alǵashqy kómek kórsetiledi», dep habarlady Úkimettiń baspasóz qyzmeti.
Aıta keteıik, Ulttyq joba aıasynda elimizde jalpy sany 655 nysannyń qurylysy josparlanǵan, olardyń ishinde búgingi kúnge deıin 480-i aıaqtaldy. Alǵashqy medısınalyq-sanıtarııalyq kómek kórsetý oryndary men aýrýhanalardy jańǵyrtý jumystaryna respýblıkalyq bıýdjetten jáne Arnaýly memlekettik qordan qarajat bólinip jatyr.