ASTANA. 16 aqpan. Qyzylorda oblysynyń basshysy Qyrymbek Kósherbaevtyń ókimimen Jańaqorǵan aýdanynyń ákimi bolyp Rýslan Rústemuly Rústemov taǵaıyndaldy. Bul týraly e-kzylorda.gov.kz habarlady.
Al aýdandy 3 jyldan beri basqarǵan Sultanbek Táýipbaıuly I. Ábdikárimov atyndaǵy Qyzylorda agrarlyq tehnıkalyq kolledjine dırektor qyzmetine aýysty.
Rýslan Rústemov 1968 jyly 13 jeltoqsanda Qyzylorda oblysy Qarmaqshy aýdany T.Kómekbaev aýylynda týǵan. Orta mektepti bitirgen soń ál-Farabı atyndaǵy Qazaq memlekettik ulttyq ýnıversıtetine túsip, ony 1994 jyly «fılolog, qazaq tili men ádebıetiniń oqytýshysy» mamandyǵy boıynsha bitirgen.
1994-1996 jyldary aralyǵynda Qyzylorda pedagogıkalyq ınstıtýtynyń qazaq ádebıeti kafedrasynda oqytýshy, 1996-1997 jyldary atalmysh oqý ornynyń «Fılologııa» oqý-ǵylym kesheni dırektorynyń orynbasary, 1997-1998 jyldary Qyzylorda qalasy ákimi apparatynyń ishki saıasat jáne áleýmettik sala bóliminiń mamany, keńesshisi, qala ákiminiń baspasóz hatshysy qyzmetterin atqarǵan.
1998-1999 jyldary qalalyq mádenıet bóliminiń meńgerýshisi, qala ákimi apparaty ishki saıasat jáne áleýmettik sala bóliminiń meńgerýshisi, qala ákimi apparaty áleýmettik-saıası máseleler jáne syrtqy baılanystar bóliminiń meńgerýshisi, 1999-2007 jyldary aralyǵynda Qyzylorda qalalyq mádenıet bóliminiń meńgerýshisi, Qyzylorda oblystyq mádenıet basqarmasy bastyǵynyń orynbasary, al 2007-2010 jyldary ishinde Qyzylorda oblysy ákimi apparaty áleýmettik-saıası bóliminiń meńgerýshisi, Shıeli aýdany ákimi apparatynyń jetekshisi, Shıeli aýdany ákiminiń orynbasary boldy. 2010-2011 jyldary «Qyzylorda oblystyq ishki saıasat basqarmasy» memlekettik mekemesiniń bastyǵy.
2011-2014 jyldary aralyǵynda «Qyzylorda oblysynyń tilderdi damytý basqarmasy» memlekettik mekemesiniń bastyǵy, Qyzylorda qalasy ákiminiń orynbasary qyzmetin atqardy. Al 2014 jyldyń 2 shildesinde oblys ákiminiń №458-ókimimen Qyzylorda oblystyq ishki saıasat basqarmasynyń basshysy qyzmetterin atqarǵan.
Joldybaı Bazar.
Derek, sýret: e-kzylorda.gov.kz.