ASTANA. 16 aqpan. Aqtóbe oblystyq máslıhatynyń zańdylyq, quqyq tártibi jáne depýtattyq etıka jónindegi turaqty komıssııasy men «Nur Otan» depýtattyq fraksııasynyń keńeıtilgen otyrysynda tótenshe jaǵdaılardyń aldyn alý jáne joıý boıynsha tótenshe jaǵdaılar departamentiniń byltyrǵy jáne ústimizdegi jyldyń birinshi toqsanyndaǵy jumysynyń qorytyndysy qaraldy. Bul týraly egemen.kz tilshisi habarlady.
Atalǵan máselege baılanysty jaǵdaıdy baıandaǵan oblystyq tótenshe jaǵdaılar departamenti basshysynyń mindetin atqarýshy Baýyrjan Syzdyqov 2014 jyly departamenttiń aýmaqtyq bólimsheleri 2111 jedel shaqyrtýǵa baryp, nátıjesinde 1 524 adam qutqarylyp, 343 zardap shegýshige alǵashqy dárigerlik kómek kórsetilgenin jetkizdi. Osy baǵytta atqarylǵan jumystardyń nátıjesinde aımaqta tótenshe jaǵdaılar sany 6,5 paıyzǵa tómendegen. Alaıda,tótenshe jaǵdaılardan zardap shekkender sany 15,5 paıyzǵa kóbeıgen. Oblysta tótenshe jaǵdaılardan zardap shekkender sanynyń artýy halyqqa tótenshe jaǵdaılardyń qaýpi men paıda bolý kezindegi is-áreketter erejesiniń jetkiliksiz túrde habarlanýy sebebinen boldy, deıdi ol. Sondyqtan tıisti oryndardan departament ázirlegen oqytý-úıretý materıaldaryn der kezinde jergilikti basylymdar men telearnalarda shyǵarý máselelerin sheshýdi usynady.
Qazir oblysta sý basý qaýpi bar aımaqtarǵa 106 áleýmettik nysan men 375 myńnan astam adam turatyn 6 579 turǵyn úı jatqyzylǵan. О́tken jyldary oblys aýmaǵynda jasalǵan is-sharalar, monıtorıng jáne baqylaýlardyń nátıjesinde sý basý qaýpi bar aımaqtardyń tolyq bazasy anyqtalǵan. Nátıjesinde 46 ýchaskeniń sý basý qaýpi boıynsha qujaty daıyndalyp, bekitilgen.
Byltar oblys aýmaǵynda 682 órt oryn alyp, tilsiz jaýdyń saldarynan 10 adam qaza bolyp, 50 adam túrli dene jaraqatyn alǵan. О́rt saldarynan 183 mıllıon teńgeden astam materıaldyq shyǵyn keltirilgen.
О́z sózinde ol aýdan ortalyqtarynan shalǵaıda jatqan keıbir eldi mekenderge órtti sóndirýge arnaıy tehnıkalardyń keshigip baratynyn aıta kelip, órtke qarsy jasaqtardy arnaýly avtokóliktermen jabdyqtaý máselesin sheshýdi alǵa tartty.
Satybaldy Sáýirbaı.
Derek: egemen.kz.
Sýret: temir.aktobe.gov.kz.