Senbi kúni Qazaqstan Respýblıkasynyń Memlekettik hatshysy Gúlshara Ábdiqalyqova Almatyǵa jumys sapary barysynda M.O.Áýezov atyndaǵy Ádebıet jáne óner ınstıtýtynyń ǵylymı ujymymen kezdesti.
80 jyldyq tarıhy bar ınstıtýt ádebıettaný, folklorıstıka men ónertaný salalarynyń basty ǵylymı ortalyǵy sanalady.
Aldymen Memlekettik hatshy ınstıtýttyń 500 myńnan astam qundy qujattar saqtalǵan sırek qoljazbalar qorymen tanysty. Irgeli «Babalar sózi» 100 tomdyǵy osy qor materıaldarynyń negizinde ázirlengen.
Kezdesý barysynda ınstıtýt dırektory, QR UǴA korrespondent-múshesi, fılologııa ǵylymdarynyń doktory Ýálıhan Qalıjanov ǵylymı ortalyq atqaryp otyrǵan aýqymdy zertteýler men bastamalar týraly jan-jaqty áńgimelep, keńinen aqpar berdi. О́z kezeginde ınstıtýt ǵalymdary irgeli de ilkimdi jobalar jaıynda baıandady.
Memlekettik hatshynyń ǵalymdarmen áńgimelesýi kezinde táýelsiz Qazaqstannyń ádebıettanýy men ónertanýynyń qazirgi zamanǵy úrdisterin zerdeleý, «Qazaqstan-2050» Strategııasy men Memleket basshysynyń «Nurly Jol – bolashaqqa bastar jol» atty Joldaýynyń negizinde halyqtyń jalpyulttyq qundylyqtaryn ilgeriletý máseleleri talqylandy.
Sonymen qatar, ınstıtýttyń qazaq dıasporalary kóp shoǵyrlanǵan О́zbekstan, Reseı, Qytaı jáne Mońǵolııa elderine uıymdastyrǵan ǵylymı ekspedısııalarynyń qorytyndylary boıynsha «Shetel qazaqtarynyń óneri», «Shetelderdegi qazaq ádebıeti», «Shetelderdegi qazaq folklory» atty monografııalar jaryq kórdi.
Instıtýt Qazaqstan halqy Assambleıasy jyly qarsańynda Qazaqstandy mekendegen etnostardyń folkloryn, ádebıeti men ónerin zertteýge arnalǵan «Qazaqstan halqynyń teatr óneri», «Qazirgi kezeńdegi Qazaqstan halqynyń ádebıeti», «Astana: geosaıası kóshbasshylyqtan mádenı san alýandyqqa», «Kóne túrki ádebıetiniń tıpologııasy» sııaqty birqatar ujymdyq monografııalardy jaryqqa shyǵardy.
G.Ábdiqalyqova, sondaı-aq, ınstıtýtqa qarasty Muhtar Áýezov memorıaldyq mýzeı-úıinde bolyp, Qurmetti qonaqtar kitabyna qoltańbasyn qaldyrdy.
Aınash ESALI,
«Egemen Qazaqstan».
ALMATY.
Sýretti túsirgen
Borıs BÝZIN.