«Qazgıdromet» sınoptıkteri 10-12 shildege arnalǵan aýa raıy boljamyn jarııalady. Astana men Almaty qalalarynda kún kúrkirep, jańbyr jaýyp jáne burshaq túsýi múmkin. Keı kúnderi jaýyn-shashynsyz, biraq jel kúsheıip qubylyp turady, dep habarlaıdy Egemen.kz.
Elordada 10 shilde kúni bultty aýa raıy saqtalady. Kúndiz jańbyr jaýyp, naızaǵaı oınap, burshaq túsýi múmkin. Soltústik-shyǵystan soǵatyn jeldiń ekpini 9–14 m/s. Aýa temperatýrasy túnde +12…+14°C, kúndiz +25…+27°C deıin jylynady.
Al, 11 shildede kún bultty bolady. Kúndiz keı jerlerde jańbyr jaýyp, naızaǵaı kútiledi. Túnde +13…+15°C, kúndiz +25…+27°C.
12 shildede jaýyn-shashynsyz, biraq bultty aýa raıy saqtalady. Túngi temperatýra +14…+16°C, kúndiz +22…+24°C.
Almaty qalasynda 10 shildede bultty aýa raıy saqtalady. Tańerteń jáne kúndiz jańbyr jaýady, keı jerlerde nóserli bolady. Naızaǵaı kútiledi. Túnde +18…+20°C, kúndiz +27…+29°C.
11 shilde – aýa raıy qubylmaly. Qysqa merzimdi jańbyr men naızaǵaı bolýy yqtımal. Túngi temperatýra +16…+18°C, kúndiz +26…+28°C.
12 shilde – jaýyn-shashynsyz, biraq aspan bultty. Soltústik-shyǵystan soǵatyn jel 3–8 m/s. Túnde +16…+18°C, kúndiz +28…+30°C.
Jalpy sınoptıkterdiń boljamyna sáıkes, 2025 jylǵy shilde aıynda elimizde aýa raıy turaqsyz bolady. Eldiń kóp bóliginde naızaǵaıly, burshaqty jáne ekpindi jelmen qatar júretin jańbyr jaýady. Ońtústik óńirlerde qatty jáne óte qatty ystyq kútiledi. Keıbir aımaqtarda shańdy daýyl turýy múmkin. Bul óńirlerde órt qaýpi joǵary deńgeıde saqtalady.