Abaı aýdany Kóksý aýylynda paıdalanýǵa berilgen pýnkt birizdendirilgen blok-modýlderden jasalǵan, úı jáne aýyl sharýashylyǵy janýarlaryn dıagnostıkalaýǵa, dertterdiń aldyn alýǵa, vaksınasııalaýǵa, emdeýge jáne josparly tekserýge múmkindik beretin zamanaýı jabdyqtarmen jabdyqtalǵan, dep habarlaıdy Egemen.kz.
Oblysty zamanaýı veterınarlyq ınfraqurylymmen qamtamasyz etý – basym baǵyttardyń biri jáne mamandar úshin de, turǵyndar úshin de mańyzdy.
– Qolaıly jáne qazirgi zamanǵy jaǵdaılary bar osyndaı pýnktterdiń ashylýy – óńirdegi mal sharýashylyǵynyń ónimdiligin arttyrý úshin mańyzdy qadam, sondaı-aq halyq úshin janýarlardan alynatyn ónimder qaýipsizdiginiń kepili. Bul tek veterınarlardyń jumys jaǵdaıyn jaqsartý úshin ǵana emes, sonymen qatar turǵyndar men mal ósirýshilerge veterınarlyq kómektiń qoljetimdiligin arttyrý úshin de qajet. Bul qyzmet kórsetý sapasyn jaqsartady, epızootııalyq qaýipsizdikti arttyrady jáne mal sharýashylyǵyn damytýǵa yqpal etedi, – dedi oblys ákiminiń orynbasary Baýyrjan Asanov veterınarlyq pýnkttiń ashylýynda.
Pýnkt Qazaqstannyń agroónerkásiptik keshenin damytý tujyrymdamasy aıasynda salynǵan. Onyń ashylýy osy jyldan bastap 10 shildede atap ótiletin Veterınarlyq qyzmetker kúnine oraılastyrylǵan.
Ashylý saltanatynda salanyń úzdik mamandary qurmet gramotalarymen jáne vedomstvolyq nagradalarmen marapattaldy.
Qaraǵandy oblysy