Japonııanyń Meteorologııalyq basqarmasynyń málimetinshe, 21 maýsymnan beri eldiń ońtústik-batysyndaǵy shaǵyn araldarda 2000-nan astam jer silkinisi tirkelgen, dep habarlaıdy Egemen.kz Kyodo News-ke silteme jasap.
Tokara araldar tobyna kiretin Akýsekı men Kodakara araldarynda turatyn 60-tan astam adam 5,5 magnıtýdaly jer silkinisinen keıin shilde aıynyń basynda evakýasııalanǵan.
NHK World-Japan habarlaýynsha, seısenbi tańyndaǵy jaǵdaı boıynsha Tokara araldarynda magnıtýdasy 1 jáne odan joǵary 2046 jer silkinisi tirkelgen.
Jergilikti bılik turǵyndardy araldarǵa qaıtarý týraly ótinishterdi bes kún qatarynan 4 balldan joǵary jer silkinisi tirkelmegen jaǵdaıda ǵana qarastyrady. Kyodo málimetinshe, 4 balldyq jer silkinisi jaıaý júrgen adamdardyń kópshiligine seziledi.
Buǵan deıin júrgizilgen zertteý nátıjesinde, osy aımaqtaǵy eki shaǵyn araldyń seısmıkalyq belsendiliktiń áserinen nebári úsh kún ishinde bir-birinen shamamen 10 santımetrge jyljyǵany anyqtalǵan.