ShQO-daǵy Shemonaıha aýdanynda bir otbasy úlken qaıǵyly jaǵdaıdan aman qaldy, dep habarlady Egemen.kz.
Úlbi-Talovka aýylynyń turǵyny 103 nómirine qońyraý shalyp, bir jastaǵy uly bir zatqa tunshyǵyp, kógerip, tynys almaı jatqanyn habarlaǵan.
Feldsher Galına Grechanık balanyń ákesine ne isteý kerektigin telefon arqyly túsindire bastaǵan. Osy sátte jedel járdem brıgadasy oqıǵa ornyna jolǵa shyqqan. Medısınalyq kómek kelgenge deıin boltty balanyń tynys joldarynan alyp shyǵý múmkin bolǵan, alaıda sábı es-tússiz kúıde bolǵan.
Feldsher Krıstına Kolomeıseva júrek-ókpe reanımasııasyn júrgize bastaıdy. Tórtinshi mınýtta bala qaıtadan tynys ala bastady. Ony shuǵyl túrde aýdandyq ortalyq aýrýhanaǵa jetkizdi. Qazir sábı turaqty bólimge aýystyrylǵan.