Elorda – óńirlerge ónege

Is-sharaǵa Indýstrııa jáne qurylys mınıstri Ersaıyn Naǵaspaev, qala ákimderi, tıisti vedomstvolardyń basshylary, sondaı-aq barlyq oblys ortalyq­tary ákimderiniń orynbasarlary, aýdan basshylary, sáýletshiler men qalalyq ortany kógaldandyrý jáne jaryqtandyrý jónindegi mamandar, elimizdiń barlyq óńirinen 100-den astam adam qatysty.

Astana ákimi Jeńis Qasymbek elordany damytýdyń strategııalyq baǵyttary jóninde baıandady. Ákim atap ótkendeı, elorda turǵyn­darynyń sany 1,5 mıllıon adamǵa jetip, jyl saıyn shamamen 7%-ǵa ósip keledi. Osyǵan oraı qalanyń jańa Bas jospary qabyldandy. Onda 2030 jylǵa qaraı halyq sany 2,3-2,5 mıllıon adamǵa deıin artady dep boljanǵan. Sondaı-aq semınarda eski turǵyn úılerdi jańartý baǵdarlamasy talqylandy. 2030 jylǵa deıin 206 apatty úıdiń turǵyndary jańa baspanaǵa kóshiriledi. Qalanyń qurylys saıasatynda áleýmettik ınfraqurylymdy damytýǵa, abat­tandyrýǵa, jasyl aımaqtar qurý­ǵa basymdyq beriledi. Barlyq ju­mys «adamdarǵa arnalǵan qala» qaǵı­datyna negizdelip otyr.

Astanada kólik júıesin da­my­tý da – basty baǵyttardyń biri. Qoǵamdyq kóliktiń úlesin qazir­gi 41%-dan 71%-ǵa deıin arttyrý kózdelip otyr. Bul rette av­tobýs parki jańartylyp, jańa jo­laıyryqtar salynady. Sonymen qatar LRT jobasyn iske asyrý jalǵasyp jatyr. Alǵashqy jeliniń synaq rejiminde iske qosylýy bıylǵy qyrkúıekke josparlanǵan.

Ekologııa jáne kógaldandyrý máselesi de – erekshe nazarda. Keıingi úsh jyl ishinde Astana­da 2,5 mıllıonnan astam aǵash otyr­ǵyzyldy. Qalada kógaldandyrý erejeleri qabyldanyp, aǵashtar­dy sıfrlandyrý júıesi engi­zil­di. Kishi Taldykól aýmaǵynda ekopark salynady, sondaı-aq Green Line jaıaý júrginshiler joly men Damu parki qolǵa alynady. Elordada kreatıvti ındýstrııa men oqıǵaly týrızm de damyp keledi.

Semınardyń basty taqyryby óńirler arasyndaǵy ózara is-qımyldy nyǵaıtý, qalalardy turaq­ty damytý salasynda táji­rıbe almasý boldy. Shaqyrylǵan sarap­­shylar qatarynda Lda Design Brıtandyq sáýlet bıýrosy­nyń basshysy Andreı Elbaev land­shafttyq sheberlik jospar­laý tásilderin, turaqty damý­dyń halyqaralyq mysaldaryn usyn­dy. Abattandyrý jónin­degi sarap­shy Tatıana Nag qala­larda kó­galdandyrý sapasy­nyń stan­darttaryn engizý týraly áńgime­ledi. Sáýlettik jaryqtan­dyrý jónindegi maman Andreı Naý­mov qalanyń atmosferasyn qalyp­tastyrý quraly retinde ja­ryq­tyń mańyzdylyǵyn atap ótti.

Semınarǵa qatysýshylar qala­nyń negizgi nysandaryn, Beıbitshilik, Sátbaev kóshelerin, Atatúrik saıabaǵy, Beıbitshilik jáne kelisim saraıy, Ulytaý alleıa­sy, áýejaı janyndaǵy LRT stansasy, GreenLine býlvary, basqa da birqatar qoǵamdyq keńis­tikter­di aralap kórdi. Tanysý barysynda jaıly qalalyq ortany qalyptastyrýdyń praktıkalyq tásilderi – aǵash otyrǵyzý, jasyl aımaqtardy uıymdastyrýdan bastap, abattandyrýda zamanaýı materıaldar men sheshimderdi qoldanýǵa deıingi ádister jan-jaqty sóz boldy.