Búginde Almaty baǵyty Qytaı týroperatorlarynyń nazaryna ilige bastady, dep habarlaıdy Egemen.kz.
Mysaly, Beıjińde ótken Beijing International Tourism Expo (BITE 2025) halyqaralyq týrıstik kórmesinde megapolıske Halyq Respýblıkasynan 2025-2026 jyldar aralyǵynda 36 myńnan astam týrıst tartýdy kózdeıtin 30 kelisimge qol qoıyldy.
Qytaı Almaty úshin týrızm baǵytyndaǵy mańyzdy naryqtardyń biri. 2024 jyly shaharǵa Qytaıdan 99 167 týrıst kelgen. Bul sheteldik qonaqtardyń jalpy sanynyń 14,4%-y.
Máselen, 2025 jyly 27-29 maýsymy aralyǵynda Almaty óziniń týrıstik áleýetin Azııa-Tynyq muhıty aımaǵyndaǵy eń iri is-sharanyń biri BITE 2025 kórmesinde tanystyrǵanyn aıta ketý kerek.
Atalǵan kórmege 60-tan astam eldiń ókilderi qatysyp, Almatynyń stendine tamashalaǵandar qala mádenıetimen jaqynyraq tanysqan. Qazaq mýzykalary shyrqalyp, dástúrli as máziri usynylyp, qolóner buıymdary men tarıhı úlgide jasalǵan zergerlik áshekeıler qoıyldy.
Kórme aıaqtalǵanda Almaty stendi mazmuny men joǵary deńgeıde uıymdastyrylǵany úshin arnaıy Best Organizing Award júldesine laıyq dep tanyldy.
Osylaısha, BITE 2025 kórmesi Almatyny dástúri baı, mádenıeti kemel de zamanaýı týrıstik ınfraqurylymy damyp kele jatqan erekshe baǵyt retinde halyqaralyq arenada tanyta bildi.