Almatynyń sáni men maqtanyshy bolǵan Shymbulaqta búgin 130-daı adam EcoDay atty ekologııalyq senbilikke qulshyna qatysty, dep jazady Egemen.kz.
Aksııa barysynda Shymbulaqtan bastap taýda qaıtys bolǵan alpınıster memorıalyna deıingi joldan jarty tonnaǵa jýyq qoqysty (491 kg) jınap shyqty. Onyń 198 kelisi qaıta óńdeýge jiberilip, qalǵany tıisinshe kádege jaratyldy.
Bul bastama Shymbulaqtyń tabıǵatty aıalaý mádenıeti men turaqty damytýǵa baǵyttalǵan ekologııalyq jobalar legine jatady. Aksııaǵa Ile-Alataýy ulttyq tabıǵı parkiniń, «Medeý» Memlekettik óńirlik tabıǵı parki memlekettik mekemesi, Almaty qalasy týrızm basqarmasy, Almaty qalasynyń alpınızm federasııasynyń ókilderi, sondaı-aq Wildnature.volunteers, Recycle Birge, Hello Eco eriktileri jáne Almaty qalasynyń belsendi turǵyndary qosyldy.
Qatysýshylar qoqysty jınap qana qoımaı, ony muqııat suryptap, qaıta óńdeletinin (plastıkalyq jáne shyny bótelkeler, qańyltyr bankalar) óńdelmeıtin qaldyqtardan bólindi. Barlyq jınalǵan qoqys eriktilerdiń kúshimen Shymbulaq aýmaǵyna jetkizildi, al qaıta kádege jaraıtyn qaldyqtar Recycle Birge qoldaýymen mamandandyrylǵan kásiporyndarǵa shyǵaryldy.
Senbilik kezinde tabylǵan eń tańǵajaıyp olja - 17 jyl boıy taýda jatqan shyrynnyń qańyltyr bankileri edi.
Aıtqandvı, qaıta óńdelgen plastık bótelkelerden shańǵy tireýishteri de jasalady.
"Shymbulaq" kýrorty qolǵa alǵan biregeı bastama jazdyń sońyna deıin jalǵasady desek, kýrort qonaqtary Recycle Birge ekoaksııalary aıasynla plastıkti qaldyqtardy tapsyra alady. Bul plastık paıdaly ınfraqurylymǵa - shańǵy men snoýbordtardy saqtaýǵa arnalǵan sórelerge qaıta óńdelmek.
Shymbulaqta aldaǵy ýaqytta da mundaı aksııalar turaqty túrde ótedi. Osy oraıda ekologııalyq uıymdarmen, tabıǵı parktermen, eriktiler qaýymdastyqtarymen yntymaqtastyqty nyǵaıtý josparlanyp otyr.
Kelesi ekologııalyq sharalardan habardar bolý úshin shymbulak.com saıtyndaǵy jańalyqtardy jáne kýrorttyń áleýmettik jelilerindegi jarııalanymdardy baqylap otyrýǵa bolady.