ASTANA. 5 tamyz. Úndistandaǵy alapat sý tasqynynan qaza bolǵandar sany 220 adamnan asty. Bul týraly RIA «Novostı» habarlady.
Eldiń ishki ister mınıstrligine silteme jasaǵan NetIndian basylymy budan buryn tabıǵı apattan 180-nen astam adamnyń qaza bolǵanyn jazǵan.
Birden bes shtatta tolassyz jaýǵan nóser jańbyr Úndistannyń shyǵysy men batysynda sý tasqynynyń bolýyna áser etti. Batys Bengalııa, Manıpýr, Radjastan, Gýdjarat jáne Odısha shtattarynda júrip jatqan jedel qutqarý is-sharalaryna qutqarýshylarmen qatar, armııa bólimsheleri men áskerı avıasııa jumyldyryldy.
О́tken jyly Úndistan men Pákstannyń soltústik aýdandarynda oryn alǵan sý tasqyny 440-tan astam adamnyń ómirin julyp ketti. Bıliktiń aqpary boıynsha, sol kezde Pákstanda – 241, al Úndistanda kem degende 200 adam qaza bolǵan. Apat aımaǵynan 60 myńnan astam adam qaýipsiz jerge kóshirilgen.
Aıdar О́risbaev.
Derek: ria.ru.
Sýret: ap.org.