Atyraýda ákimshilik quqyqbuzýshylyqtar jónindegi sotynyń qaýlysyn oryndaýdan jaltarǵan sheteldikter anyqtaldy, dep habarlaıdy Egemen.kz.
Jergilikti polıseıler shetel azamattarynyń kóshi-qon jónindegi zańdy saqtaýyn baqylaý, zańsyz kóshi-qon arnalaryn áshkereleý maqsatynda izdestirý is-sharasyn uıymdastyrdy.
«Polısııa qyzmetkerleri is-shara kezinde 150-den astam shetel azamatyn tekserdi. Sonyń nátıjesinde Qazaqstan Respýblıkasyna kelip-ketý zańnamasyn buzǵany úshin 83 sheteldikke Ákimshilik quqyq buzýshylyq týraly kodeksiniń 517 jáne 518-babymen hattama toltyryldy. Sondaı-aq, 27 shetel azamatynyń turǵylyqty mekenjaıy anyqtaldy. Sot sheshimimen olar el aýmaǵynan májbúrli túrde shyǵaryldy», dep habarlady departamenttiń baspasóz qyzmeti.