2025 jylǵa arnalǵan Numbeo qaýipsizdik ındeksi boıynsha Birikken Arab Ámirlikteri men Andorra eń qaýipsiz memleketter retinde tanyldy. Bul reıtıng álem elderindegi quqyqtyq tártip, saıası turaqtylyq jáne qylmys deńgeıiniń tómendigi sııaqty kórsetkishter negizinde jasalǵan, dep habarlaıdy Egemen.kz.
Mamandardyń aıtýynsha, kóshbasshy elderde quqyq qorǵaý organdarynyń tıimdiligi, qoǵamdyq tártipti saqtaý deńgeıi joǵary jáne qylmys az tirkeledi. Mundaı faktorlar bul memleketterdi sheteldik ınvestorlar, ekspattar men týrıster úshin tartymdy etedi.
Qaýipsizdik deńgeıi eń joǵary elder bestigi (baldyq kórsetkishpen):
BAÁ – 85,2; Andorra – 84,8; Katar – 84,6; Taıvan – 83; Oman – 81,8.Al kerisinshe, qaýipsizdigi eń tómen elder qataryna qylmys jıi tirkeletin, quqyqtyq júıesi álsiz jáne saıası turaqsyz memleketter engen:
Papýa – Jańa Gvıneıa – 19,3; Gaıtı – 19; Venesýela – 19,5; Aýǵanstan – 24,8; Ońtústik Afrıka – 25,4.Al AQSh 91-orynnan kórinip, 50,8 ball jınasa, Ulybrıtanııa 86-orynǵa jaıǵasqan (51,76 ball). Qaýipsizdik kórsetkishteriniń tómen bolýyna qylmystyń ósýi, ásirese iri qalalardaǵy jaǵdaı men halyqtyń quqyq qorǵaý organdaryna seniminiń azaıýy áser etken.
Numbeo qaýipsizdik ındeksi azamattardyń óz elderindegi qaýipsizdik jaıly sýbektıvti baǵalaýlaryna negizdelgen. Reıtıngke bıyl 146 el engen.