О́skemen qalasynda besinshi qabatta turatyn 83 jastaǵy áje tereze jýamyn dep qulap ketti, dep habarlaıdy Egemen.kz.
Oqıǵa 30 shilde kúni qaladaǵy Almaty kóshesinde bolǵan.
– Anyqtalǵandaı, qart áıel besinshi qabatta tereze jýǵan kezde qaýipsizdikti saqtamaǵan. Sonyń saldarynan qulap ketip, alǵan jaraqattarynan oqıǵa ornynda qaza boldy, – dep habarlady ShQO Polısııa departamentiniń baspasóz qyzmetinen.
Qalalyq Prokýratýranyń málimetinshe, byltyr О́skemende 4 adam terezeden qulap ketse, bıyl mundaı 7 oqıǵa tirkelgen. Onyń úsheýinde kóz jumǵandar – balalar.
Osy rette, tártip saqshylary halyqqa qaýipsizdik sharalaryn saqtamaýdyń saldary qaıǵyly jaǵdaıǵa ákelip soǵýy múmkindigin eskertti.