ÝEFA Chempıondar lıgasy irikteý týrnıriniń úshinshi kezeńinde óner kórsetken elimizdiń qos komandasy da jeńiske jetip, jankúıerlerin qýantty.
Keshe «Astana» Kıshınevte Moldovanyń «Zımbrýyn» 2:0 esebimen utty. Bul matchtaǵy eki gol da birinshi taımda soǵyldy, avtorlary – Djeffrı Chınedý (18-mınýt) men Ýsman Kamara (21-mınýt). «Astana Arenada» ótken alǵashqy oıyn 1:1 esebimen teń aıaqtalǵan edi. Sóıtip, qos kezdesýdiń qorytyndysy boıynsha elordalyq klýb úshinshi kezeńge shyqty. Jerlesterimiz endi Shveısarııanyń «Lozannasymen» kúsh synasady.
Qos kezdesýdiń qorytyndysy boıynsha Fınlıandııanyń KýPS klýbyn qapy qaldyrǵan Almatynyń «Qaıraty» (syrt alańda – 0:2, óz alańynda – 3:0) ÝEFA Chempıondar lıgasy irikteý týrnıriniń úshinshi kezeńinde Slovakııanyń «Slovanymen» kezdesedi. Olar óz kezeginde Bosnııanyń «Zrınskıinen» (óz alańynda – 6:2, syrt alańda – 2:2) basym tústi. Bir aıta keterligi, 2013–2015 jyldar aralyǵynda «Qaıratty» jattyqtyrǵan Vladımır Vaıss bul kúnderi dál osy «Slovan» klýbynyń bas bapkeri qyzmetin atqarady.