Belgili qazaqstandyq ǵaryshker Talǵat Musabaevpen qoshtasý rásimi 6 tamyzda ótedi, dep habarlaıdy Egemen.kz.
«Qarýly Kúshter ardagerleri» respýblıkalyq qoǵamdyq birlestiginiń Almaty qalalyq fılıaly habarlaǵandaı, Musabaevpen qoshtasý rásimi 6 tamyz kúni tańǵy saǵat 09:00-de Almatydaǵy Ofıserler úıinde ótedi. Budan keıin 28 gvardııashy-panfılovshylar atyndaǵy saıabaqta mıtıng bolady. Talǵat Musabaev Keńsaı zıratyna jerlenedi.
Eske salaıyq, keshe 4 tamyz kúni ǵaryshker Talǵat Musabaev 75-ke qaraǵan shaǵynda ómirden ótti. Qazaqstan Prezıdenti Qasym-Jomart Toqaev áıgili ushqysh-ǵaryshkerdiń qaıtys bolýyna baılanysty kóńil aıtty.
Talǵat Musabaev 1951 jyly 7 qańtarda Fabrıchnoe aýylynda (Almaty oblysy, Jambyl aýdany) dúnıege kelgen. Ol Qazaqstannyń Halyq Qaharmany, Qazaqstan Respýblıkasy avıasııasynyń general-leıtenanty, tehnıka ǵylymdarynyń doktory. Qazaqstan Respýblıkasy Ulttyq ǵarysh agenttiginiń tóraǵasy (2007-2016), Qazaqstan Respýblıkasy Parlamenti Senatynyń depýtaty (2017-2023) boldy.