Búgin Shymkent qalasynyń Qylmystyq ister jónindegi mamandandyrylǵan aýdanaralyq sotynda Rýslan Berdenovke jasalǵan qastandyq isi boıynsha aıyptaý aktisi oqyldy, dep jazady Egemen.kz.
E.J.Jıembaı, Shymkent qalasynyń aýmaǵynda jeke adamǵa qarsy asa aýyr dárejeli qylmystyq quqyq buzýshylyqty jasaýǵa oqtalǵan.
Iаǵnı, E.Jıembaı 2025 jyldyń sáýir aıynyń 21-kúni 13 saǵat 30 mınýt shamasynda Shymkent qalasy, Respýblıka dańǵylynyń №12 «A» meken-jaıda ornalasqan «Turǵyn úı Shymkent» JShS-niń ǵımaratynda merdigerlerdiń jınalysyn ótkizgen.
Sodan E.J.Jıembaı, Shymkent qalasy ákimdiginiń Qurlys nysandarynyń monıtorıng júrgizý basqarmasynyń bólim basshysy A.M.Kenjebekovten uıaly telefon arqyly Shymkent qalasy ákiminiń orynbasary R.A.Berdenovtiń «Turǵyn úı Shymkent» JShS-niń dırektory laýazymynan óz erkimen aryz jazyp ketsin degeni týraly aıtqanyn estip, adamdy óltirý, ıaǵnı adamdy quqyqqa qarsy qasaqana qazaǵa ushyratý qylmystyq oıy paıda bolǵan.
Sol sátte E.J.Jıembaı, JShS-niń ǵımarattan shyǵyp, A.T.Moldabekovtiń basqarýyndaǵy «Volswagen Passat» markaly memlekettik belgisi 730AON17 sandy avtokólik quralymen Shymkent qalasy, Qarataý aýdany, Nursat m/a, N.Nazarbaev dańǵyly №17 «A» úıine bara jatyp, tergeý barysynda anyqtalmaǵan dúkennen 1 bótelke spırttik ishimdik satyp alǵan.
Sodan E.J.Jıembaı, satyp alǵan spırttik ishimdigin A.Moldabekovtiń basqarýyndaǵy kólik quralynyń ishinde iship, sońǵynyń basqarýyndaǵy kólik quralymen Shymkent qalasy, Qarataý aýdany, Nursat m/a, Nazarbaev dańǵyly, №17 «A» úıdiń jertólesine (parkıng) kelgen.
Osy sátte E.J.Jıembaı, zańdy nekedegi jubaıy L.A.Aldanovanyń atyna tirkelgen «Hyundai Tucson» markaly memlekettik belgisi 106 AML 17 sandy avtokólikti basqarýǵa A.T.Moldabekovke berip, sońǵymen birge Shymkent qalasynyń aýmaǵynda júrgen.
Sodan E.J.Jıembaı, adamdy óltirý, ıaǵnı adamdy quqyqqa qarsy qasaqana qazaǵa ushyratý qylmystyq oıyn júzege asyrý maqsatynda 2025 jyldyń sáýir aıynyń 21-kúni 18 saǵat 00 mınýt shamasynda Shymkent qalasy, Turan aýdany, Samal-1 m/a, №387 úıine B.O.Momynovty shaqyrǵan.
Osylaısha, B.O.Momynov, E.J.Jıembaıdyń meken-jaıyna «BMV 520» markaly memlekettik belgisi 825 AHǴ 13 sandy avtokóligimen kelgen.
E.J.Jıembaı óziniń josparlaǵan qylmystyq oıyn B.O.Momynovqa jarııa etpeı jáne onyń kedergi keltirmeýi úshin, úıinde saqtalǵan 12 kalıbrli, serııalyq nómiri 00404298, «Saıga-12» markadaǵy ańshylyq qarýdy ańshylyqqa qoldanatyndyǵyn aıtyp, basqaryp kelgen «BMV 520» markaly memlekettik belgisi 825 AHǴ 13 sandy avtokóliginiń júk salǵyshyna salyp, Shymkent qalasy, Qarataý aýdany, Nursat móltek aýdanynda aǵasy jolyǵyp alatyndyǵyn jalǵan aıtqan.
E.J.Jıembaı, óziniń josparlaǵan qylmystyq oıyn júzege asyrý maqsatynda 2025 jyldyń sáýir aıynyń 21-kúni 19 saǵat 15 mınýt shamasynda Shymkent qalasy, Qarataý aýdany, Nursat m/a, N.Nazarbaev dańǵyly №160 meken-jaıda ornalasqan «Seıtjan qarı Esjanuly» atyndaǵy meshittiń turaǵyna kelgen.
Sol mezette E.J.Jıembaı, B.O.Momynovtyń uıaly telefonyna qońyraý shalý arqyly Shymkent qalasy, Qarataý aýdany, Nursat m/a, N.Nazarbaev dańǵyly №160 meken-jaıda ornalasqan «Seıtjan qarı Esjanuly» atyndaǵy meshittiń turaǵyna shaqyrtyp, sońǵynyń basqaryp kelgen kólik quralynyń júk salǵyshynda bolǵan 12 kalıbrli, serııalyq nómiri 00404298, «Saıga-12» markadaǵy ańshylyq qarýdy alyp, A.Moldabekovtiń basqarýyndaǵy «Hyundai Tucson» markaly memlekettik belgisi 106 AML 17 sandy avtokóliktiń júk salǵyshyna salyp, Shymkent qalasy, Qarataý aýdany, Turan-2 m/a, Qojabergen jyraý kóshesiniń aıaqtalǵan jerindegi jazyqqa A.Moldabekovpen birge kelgen.
Onda E.J.Jıembaı, 12 kalıbrli, serııalyq nómiri 00404298, «Saıga-12» markadaǵy ańshylyq qarýymen 9-dana «SAFARI PROFESSIONAL 2/3,75 mm. 12/70 Standart 32g.» patrondardy atyp kórip, ańshylyq qarýdyń atýǵa jaramdy ekendigin kózin jetkizgen.
Sóıtip E.J.Jıembaı, adamdy óltirý, ıaǵnı adamdy quqyqqa qarsy qasaqana qazaǵa ushyratý qylmystyq oıyn sátti júzege asyrý úshin A.T.Moldabekovke óziniń josparlaǵan qylmystyq oıyn jarııa etpeı sońǵyǵa «Hyundai Tucson» markaly memlekettik belgisi 106 AML 17 sandy avtokólikti basqartyp, Shymkent qalasy, Qarataý aýdany, Nursat m/a, Nazarbaev dańǵyly, №17 «A» úıdiń jer tólesine (parkıng) kelgen.
Ári qaraı E.J.Jıembaı, josparlaǵan qylmystyq oıyn sátti júzege asyrýǵa A.T.Moldabekovtiń kedergi keltirmeýi úshin kólik quralynan túsirip, E.J.Jıembaı «Hyundai Tucson» markaly memlekettik belgisi 106 AML 17 sandy avtokólikti kólik quralyn 21.04.2025 jylǵy psıhıkalyq belsendi zat paıdalaný jáne mas bolý faktisin anyqtaý úshin medısınalyq kýálandyrýdyń №11347 sandy qorytyndysyna sáıkes jeńil dárejeli alkogoldik masań kúıde basqaryp Shymkent qalasy, Turan aýdany, Samal-1 m/a, №387 úıine qaıtatyn syńaı tanytyp, Shymkent qalasy, Qarataý aýdany, Nursat m/a, N.Nazarbaev dańǵyly №10 meken-jaıda ornalasqan Shymkent qalasy ákimdiginiń ǵımaratyna basqaryp kelgen.
Sodan E.J.Jıembaı, R.A.Berdenovti óltirýge baǵyttalǵan oıyn sońyna deıin jetkizý úshin Shymkent qalasy, Qarataý aýdany, Nursat m/a, N.Nazarbaev dańǵyly №10 meken-jaıda ornalasqan Shymkent qalasy ákimdiginiń «V» korpýs ǵımaratynyń aldyndaǵy avtoturaqta, sońǵynyń ákimshilik ǵımaratynan shyqqanyn kútip otyrǵan.
Osylaısha E.J.Jıembaı, 2025 jyldyń sáýir aıynyń 21-kúni 20 saǵat 55 mınýt shamasynda R.A.Berdenovtiń Shymkent qalasy ákimdiginiń «V» korpýs ǵımaratynan shyqqanyn kórip, sońǵyǵa qaraı 12 kalıbrli, serııalyq nómiri 00404298, «Saıga-12» markadaǵy ańshylyq qarýymen júgirip kele jatyp, qolyndaǵy ańshylyq qarýyn oqtap, «KIA K8» markaly memlekettik belgisi 514 AJ 17 sandy qyzmettik avtokólikti aınalyp qashyp júrgen R.A.Berdenovti qasaqana óltirý maqsatynda 5 ret «SAFARI PROFESSIONAL 2/3,75 mm. 12/70 Standart 32g.» patrondardy atyp, 12.06.2025 jylǵy №4430/123-komp sandy keshendi sot-medısınalyq jáne sot-medıko-krımınalıstıkalyq saraptama qorytyndysyna sáıkes «Oń keýde toryna enip oń ókpeniń tómengi bóligin, qabyrǵa aralyq arterııalaryn, dıafragmany kóptegen jaraqattaýmen bytyralary oqqarý jaraqaty; oń jaq keýde qýysyna qan men aýanyń jınalýy (gemopnevmotoraks); ish qýysyna enip baýyrdyń VI, VII jáne VIII segmentteriniń kóptegen jaraqattaýymen bytyralary oqqarý jaraqaty; ishki qan ketý; oń búıreginiń kóptegen bytyralary oqqarý jaraqattary; oń ıyǵynyń jáne bileginiń kóptegen bytyralary oqqarý jaraqattary; syrtqa qan ketý; plevropýlmonaldy jáne gemoraggııalyq shok», densaýlyqqa AÝYR dárejeli dene jaraqatyn salǵan.
Ári qaraı E.J.Jıembaı, jaraqattanǵan R.A.Berdenovtiń jerde qulap jatqanyn kórip, qasyna júgirip baryp, qolynda bolǵan 12 kalıbrli serııalyq nómiri 00404298 «Saıga-12» markaly ańshylyq qarýymen baqylaýly (kontrolnyı) oq atýǵa is-áreket jasaǵan, alaıda oq dárilerdiń taýsylýyna baılanysty baqylaýly (kontrolnyı) oq atýǵa múmkindigi bolmaǵan.
Sodan R.A.Berdenov ornynan turyp, E.J.Jıembaımen alysyp jatqan kezde onyń qarsylasýyna baılanysty sońǵynyń qolyndaǵy qarýy jerge túsken sátte M.N.Kalymbetov «KIA K8» markaly 514 AJ 17 sandy qyzmettik kólik quralymen soǵyp, R.A.Berdenovti óltirý, ıaǵnı adamdy quqyqqa qarsy qasaqana qazaǵa ushyratý qylmystyq is-áreketin toqtatqan.
Osylaısha E.J.Jıembaı, R.A.Berdenovti óltirý, ıaǵnı adamdy quqyqqa qarsy qasaqana qazaǵa ushyratý qylmystyq is-áreketin ózine baılanysty emes mán-jaılarmen aqyryna deıin jetkize almaǵan.
Sonymen, Jıembaı Ernar Jıembaıuly adamdy óltirý, ıaǵnı adamdy quqyqqa qarsy qasaqana qazaǵa ushyratý qylmystyq oıyn ózine baılanysty emes mán-jaılarmen aqyryna deıin jetkize almaı, óziniń osy is-áreketimen Qazaqstan Respýblıkasy QK-niń 24-babynyń 3-bóligi jáne 99-babynyń 1-bóliginde kórsetilgen qylmystyq quqyq buzýshylyqty jasaýǵa oqtalǵan.