Jan túrshigerlik jol apaty 11 tamyzda saǵat 00:10-da «Astana – Qaraǵandy – Almaty» avtojolynyń 1396-shaqyrymynda boldy, dep habarlaıdy Egemen.kz.
Aldyn ala «QazAvtoJoldyń» aqparaty boıynsha, Toyota Alphard avtokóliginiń júrgizýshisi rólge ıe bola almaı, kólik aýdarylyp ketken.
«Qaza bolǵandardyń týǵan-týystaryna qaıǵyryp kóńil aıtamyz. Júrgizýshilerge jyldamdyq rejımin qatań saqtap, kóliktiń tehnıkalyq jaǵdaıyn aldyn ala tekserý qajettigin eske salamyz», dep habarady QazAvtoJol.
Oblystyq polısııa departamentiniń habarlaýynsha, oqıǵa Oshaǵandy aýyly mańynda bolǵan. 30 jastaǵy Toyota Alphard avtokóliginiń júrgizýshisi rólge ıe bola almaı qalǵan. Kólik jol jıegindegi saıǵa aýdarylyp ketken. JKO saldarynan 3 adam oqıǵa ornynda qaza tapty, alty adam jaraqat aldy.
Atalǵan fakti boıynsha qylmystyq is qozǵaldy. Qazirgi ýaqytta bolǵan jaǵdaıdyń barlyq mán-jaıyn anyqtaýǵa baǵyttalǵan tergeý is-sharalary júrgizilip jatyr.