Túrkistan oblysynda aýyldyq eldi mekenderde shahmat úıirmelerin kóbeıtý maqsatynda mektepter men qosymsha bilim berý uıymdarynda úıirmeler jelisi damyp keledi, dep habarlaıdy Egemen.kz.
Qazirgi tańda oblys aýmaǵynda 11 «Shahmat úıi» bar. Sondaı-aq 20 sporttyq mekemede 97 jattyqtyrýshy 2475 sportshymen turaqty jumys júrgizýde.
Bul derekter oblys ákiminiń orynbasary Ertaı Altaev pen Qazaqstan Shahmat federasııasynyń vıse-prezıdenti Marat Esenovtiń kezdesýinde keltirildi. О́ńirde shahmatty damytý, aldaǵy josparlar men mańyzdy jobalar talqylanǵan kezdesýde 2023-2027 jyldarǵa arnalǵan «Jol kartasy» bekitilgeni, qala jáne aýdandarda shahmatshylarǵa qolaıly jaǵdaı jasalǵany da aıtyldy.
Aıta ketelik, bıyl qarashada Túrkistan qalasynda jasóspirimder arasyndaǵy Qazaqstan kýbogynyń fınaldyq kezeńin ótkizý josparlanyp otyr.