1940 jyly Shotlandııanyń Edınbýrg qalasynda «Haıbernıan» men «Harts» komandalary arasynda sheshýshi match ótýi kerek edi. Alaıda oıyn bastalǵan sátte alańdy qalyń tuman basyp, BBC radıosynyń kommentatory Bob Kıngslı eshteńe kóre almaı qaldy.
Soǵan qaramastan, oǵan matchty tolyqtaı júrgizý tapsyryldy. О́ıtkeni efır toqtap qalsa, ony tyńdap otyrǵan nemis barlaýshylary kúnniń tumandy ekenin bilip, qalany bombalaýy múmkin edi. Jaǵdaıdy jaqsy túsingen Kıngslı jankúıerlerdiń aıqaı-shýy arqyly ǵana ne bolyp jatqanyn shamalap, búkil oıyn boıy shabýyldar men gol sanyn oıdan qurastyryp otyrdy. Tyńdarmandar eshteńe sezbeı, tolyqqandy matchtyń kýásindeı boldy. Nátıjesinde, resmı esep boıynsha oıyn 6:5 esebimen «Hartstyń» jeńisimen aıaqtaldy. Bul oqıǵa — radıojýrnalıstıkanyń sheberligi men soǵys jaǵdaıyndaǵy tapqyrlyqtyń jarqyn mysaly retinde este qaldy.