Batys Qazaqstan oblysynda mal urlyǵymen aınalysqan kúdiktiler ustaldy.
Batys Qazaqstan oblystyq polısııa departamentiniń krımınaldyq polısııa basqarmasy qyzmetkerleri Bókeı orda jáne Tasqala aýdandarynyń polısııa bólimderimen birlesip júrgizgen jedel-izdestirý is-sharasy nátıjesinde mal urlyǵymen aınalysqan tórt adamdy tutqyndady.
Bul adamdar ótken jylǵy qarasha aıynan bıylǵy maýsym aıyna deıin Bókeıorda aýdany aýmaǵynda erkin jaıylymda júrgen iri qara maldaryn urlaýmen aınalysqany anyqtalyp otyr. Barlyǵy 49 bas iri qara maly urlanǵan. Mal ıelerine keltirilgen jalpy shyǵyn shamamen 20 mln teńgeni quraıdy.
«Osy oqıǵa boıynsha qazir qylmystyq is qozǵaldy. Kúdiktilerdiń ekeýi ýaqytsha ustaý ızolıatoryna qamaldy. Sonymen qatar olardyń mal urlyǵy boıynsha taǵy úsh qylmysqa qatysy bar ekeni anyqtaldy. Qazirgi ýaqytta olardyń ózge de osyǵan uqsas qylmystarǵa qatysy bar-joǵy tekserilip jatyr», delingen BQO Polısııa departamentiniń baspasóz qyzmeti taratqan habarlamada.
Batys Qazaqstan oblysy