Elimizde quny 78 mıllıon teńgeden asatyn páter satyp alǵan azamattardyń bank esepshottary baqylaýǵa alynady. Bul norma Qarjy mınıstrliginiń «Ashyq NQA» portalynda jarııalanǵan qujatynda kórsetilgen, dep jazady Egemen.kz.
Qujatqa sáıkes, ekinshi deńgeıli bankter salyq organdaryna jeke tulǵalardyń shottarynyń bar-joǵy men nómirleri, qarajat qaldyǵy men qozǵalysy, berilgen nesıeler týraly málimet, sondaı-aq bir jyl ishinde 20 myń AEK-ten (shamamen 78,6 mln teńge) asatyn múlik satyp alǵandar týraly aqparatty usynýǵa mindetti bolady.
Mınıstrlik bul shara kirister men múlikti deklarasııalaý prosesin jetildirýge, kameraldyq baqylaýdy ýaqtyly júrgizýge, bıýdjet kirisin arttyrýǵa jáne kóleńkeli ekonomıkanyń úlesin azaıtýǵa yqpal etetinin atap ótti.
Aıta keteıik, jańa Salyq kodeksine sáıkes, quny 450 mıllıon teńgeden asatyn páter, kólik jáne ózge de qymbat múlik ıelerine «sán-saltanat salyǵy» engiziledi.