Endi Qaraǵandy oblystyq klınıkalyq aýrýhanasynda laparoskopııalyq operasııalarǵa arnalǵan 3D-tireý bar, dep jazady Egemen.kz.
Jańa tireý joǵary sheshimdi kameramen jáne avtonomdy jaryq kózimen jabdyqtalǵan. Bul hırýrgterge pasıenttiń ishki organdaryn iri tiliktersiz kórýge múmkindik beredi.
– Laparoskopııalyq jabdyq arqyly 3D rejıminde operasııalar jasalady. Bul ásirese kólemi úlken emes qýystarda, mysaly, kishi jambas qýysynda kúrdeli hırýrgııalyq aralasýlardy nemese qandaı da bir kúrdeli rekonstrýktıvtik operasııalardy oryndaýdy aıtarlyqtaı jeńildetedi, – deıdi hırýrgııalyq ortalyqtyń basshysy Borıs Shaı.
Oblystyq klınıkalyq aýrýhanada qazirdiń ózinde laparoskopııalyq ota jasaýǵa arnalǵan jabdyqtar bar. Alaıda onyń tehnıkalyq múmkindikteri shekteýli. Osy ýaqytqa deıin bul jabdyq eskirgen. Endi, mine jańa tirek iske qosyldy.
«Onda jıyrmaǵa jýyq operasııa jasaldy. Rásimder MÁMS sheńberinde baǵyttar boıynsha tegin júrgiziledi. Bizge jańa jabdyqtarmen josparly operasııaǵa bizdiń jáne basqa oblystardan kelgen pasıentter kele alady», deıdi oblystyq klınıkalyq aýrýhananyń baspasóz qyzmeti.