Memleket basshysy Qasym-Jomart Toqaev Konstıtýsııanyń máni men el damýyndaǵy róline toqtaldy. Onyń aıtýynsha, Ata Zań árdaıym adam quqyǵynyń temirqazyǵy bolyp, memleket saıasatynyń buljymas qaǵıdasy retinde qala beredi, dep habarlaıdy Egemen.kz.
«Ata zań elimizdiń jalpyulttyq biregeıligin nyǵaıtýdy, sondaı-aq zańdy múltiksiz saqtaý jáne adal azamat ıdeologııasyn ilgeriletýdi kózdeıtin jańa qoǵamdyq kelisimniń aıqyn nyshanyna aınaldy. Zań ústemdigi – ádiletti qoǵam qurýǵa jáne azamattarymyzdyń berekeli ómirin qamtamasyz etýge aparatyn tóte jol. Sondyqtan taǵy da qaıtalap aıtamyn: elimizdiń barlyq azamattary zańdy qurmettep, saqtaýy kerek», dedi Memleket basshysy.
Sonymen qatar Prezıdent Qazaqstannyń zańgerler qaýymdastyǵy azamattarymyzǵa Konstıtýsııanyń negizgi erejelerin túsindirip, Zań men tártip qaǵıdatyna saı qoǵamdaǵy árbir áreketine jaýapkershilikpen qaraýǵa úndeýi qajet ekenin eske saldy.
«Qazaqstan Konstıtýsııasy ultymyzdyń kemeldigi men bolashaqqa umtylysyn búkil álemge pash etedi. Konstıtýsııanyń ár joly men rýhyn saqtaý, sonyń negizinde joǵary quqyqtyq mádenıet pen ulttyń jańa sapasyn qalyptastyrý – elimizdiń keleshektegi tabysynyń kepili. Muny barsha halyq túsinýge tıis», dedi Memleket basshysy.