Prezıdent Ákimshiliginiń kelisimimen Soltústik Qazaqstan oblysy ákiminiń ókimimen Nurlan Keńesov oblys ákiminiń orynbasary laýazymyna taǵaıyndaldy, dep jazady Egemen.kz.
Ol oblystyń qurylys, arhıtektýralyq–qurylys baqylaýy jáne lısenzııa berý, energetıka jáne turǵyn-úı kommýnaldyq sharýashylyǵy, jolaýshylar kóligi jáne avtomobıl joldary salalaryn baqylaıtyn bolady.
Nurlan Maratuly «Bolashaq» baǵdarlamasynyń túlegi. Buǵan deıin energetıkalyq baqylaý, strategııalyq josparlaý salalarynda qyzmet etken. Ońtústik Qazaqstan oblysy ákimi apparaty basshysynyń orynbasary, SQO Tımırıazev aýdanynyń ákimi jáne t.b. qyzmetter atqarǵan. Sońǵy qyzmeti Prezıdent Ákimshiliginiń aımaqtardy damytý jónindegi monıtorıng bóliminiń ınspektory.
PETROPAVL